பிப்ரவரி, மார்ச், ஏப்ரலில் வெளியாகும் பிரபலங்களின் திரைப்படங்கள்!
- IndiaGlitz, [Monday,January 31 2022]
தமிழகத்தில் கொரோனா வைரஸ் பாதிப்பு படிப்படியாகக் குறைந்து வருவதை அடுத்து ரிலீசுக்கு தயாராக இருக்கும் பல திரைப்படங்கள் ரிலீஸ் செய்ய முடிவு செய்யப்பட்டு உள்ளன.
அந்தவகையில் பிப்ரவரி 4-ஆம் தேதி விஷாலின் ’வீரமே வாகை சூடும்’ திரைப்படம் ரிலீஸ் ஆக உள்ளது. இதனை அடுத்து பிப்ரவரி 11-ஆம் தேதி விஜய் சேதுபதி நடித்த ’கடைசி விவசாயி’ மற்றும் விஷ்ணு விஷால் நடித்த ‘எஃப்.ஐ.ஆர்’ திரைப்படங்கள் ரிலீசாக உள்ளன.
இந்த நிலையில் இந்த ஆண்டின் மிகவும் எதிர்பார்ப்புக்குரிய திரைப்படமான அஜித்தின் ’வலிமை’ திரைப்படம் பிப்ரவரி 24ஆம் தேதி வெளியாகலாம் என்று எதிர்பார்க்கப்படுகிறது.
அதேபோல் மார்ச் 11ஆம் தேதி சூர்யாவின் ‘எதற்கும் துணிந்தவன்’ திரைப்படம் வெளியாகலாம் என்றும் எதிர்பார்க்கப்படுகிறது.
மார்ச் 25ஆம் தேதி சிவகார்த்திகேயன் நடித்த ‘டான்’ திரைப்படம் ரிலீஸ் ஆகும் என ஏற்கனவே அதிகாரபூர்வமாக அறிவிக்கப்பட்டுள்ள நிலையில் அதே நாளில் கார்த்தியின் ’விருமன்’ திரைப்படமும் ரிலீஸாக வாய்ப்பு இருப்பதாக கூறப்படுகிறது.
மேலும் ஏப்ரல் 14ஆம் தேதி தமிழ்ப்புத்தாண்டு தினத்தில் விஜய்யின் ’பீஸ்ட்’ மற்றும் யாஷின் ‘கேஜிஎப் 2’ திரைப்படங்கள் ரிலீஸ் ஆகலாம் என்றும் ஏப்ரல் 28 ஆம் தேதி எஸ்எஸ் ராஜமவுலியின் ’ஆர்.ஆர்.ஆர்’ படம் ரிலீசாகும் என்றும் எதிர்பார்க்கப்படுகிறது.
அடுத்தடுத்து பெரிய பட்ஜெட் படங்கள் ரிலீஸ் ஆக இருப்பதை அடுத்து சினிமா ரசிகர்களுக்கு தொடர்ச்சியாக விருந்து காத்திருக்கிறது என்பது குறிப்பிடத்தக்கது.