தீபாவளிக்கு மறுநாள் அரசு விடுமுறை அளிக்கப்படும் என தமிழக அரசு அறிவிப்பு வெளியிட்டிருக்கிறது. இந்த அறிவிப்பிற்கு பலதரப்புகளில் இருந்தும் வரவேற்பு கிடைத்துள்ளது.

பொதுமக்கள் மத்தியில் பரவலாக வரவேற்பு பெற்ற தீபாவளி இந்த ஆண்டு 04.11.2021 ஆம் தேதி (வியாழக்கிழமை) வருகிறது. இந்த தீபாவளிக்கு ஒருநாள் மட்டுமே விடுமுறை இருப்பதால் பலரும் வருத்தம் தெரிவித்து வந்தனர். இதையடுத்து தீபாவளி பண்டிகையை முன்னிட்டு வரும் 05.11.2021 வெள்ளிக்கிழமையும் அரசு அலுவலகங்கள், பள்ளி, கல்லூரிகளுக்கு விடுமுறை அளிக்க வேண்டும் என்ற கோரிக்கை வைக்கப்பட்டது.

இதையடுத்து தீபாவளிக்கு அடுத்த நாளான 05.11.2021 அன்று தமிழ்நாடு முழுவதும் உள்ள அனைத்து மாநில அரசு அலுவலகங்கள் கல்வி நிறுவனங்களுக்கு உள்ளூர் விடுமுறை அளித்தும் அவ்விடுமுறையை ஈடுசெய்யும் வகையில் 20.11.2021 (மூன்றாம் சனிக்கிழமை) அன்று பணி நாளாக அறிவித்தும் தமிழக அரசு அரசாணை வெளியிட்டு உள்ளது.