சூப்பர் ஸ்டார் ரஜினிகாந்த் நடித்த 'கூலி' மற்றும் தனுஷ் நடித்த 'குபேரா' ஆகிய இரண்டு திரைப்படங்களிலுமே முக்கிய வேடத்தில் நடித்திருப்பவர் பிரபல தெலுங்கு நடிகர் நாகார்ஜுனா. இந்த நிலையில், சமீபத்தில் அவர் அளித்த பேட்டியில், இரண்டு படங்களிலும் தான் நடித்தபோது ரஜினி மற்றும் தனுஷ் இடையே உள்ள வித்தியாசத்தை பார்த்ததாக தெரிவித்துள்ளார்.

"குபேரா திரைப்படத்தில் தனுஷ் ஒரு அதி தீவிரமான கேரக்டரில் நடிப்பதால், அந்த மனநிலையை கொண்டு வருவதற்காக, தனது காட்சி முடிந்தவுடன் ஒரு ஓரமாக தனியாகப் போய் உட்கார்ந்துவிடுவார். யாரிடமும் அதிகம் பேச மாட்டார்" என்று நாகார்ஜுனா கூறினார்.

ஆனால், ’கூலி’ படப்பிடிப்பில், "ஆக்‌ஷன் காட்சிகள் இல்லாத நேரத்தில் ரஜினிகாந்த் எங்களிடம் வந்து ஜாலியாக பேசுவார், நகைச்சுவை செய்வார். தான் இருக்கும் இடத்தை சுற்றி கலகலப்பாக மாற்றுவார்" என்றும் நாகார்ஜுனா தெரிவித்துள்ளார்.

தனுஷுடன் நாகார்ஜுனா நடித்த 'குபேரா' திரைப்படம் வரும் 20ஆம் தேதி வெளியாக இருக்கும் நிலையில், ரஜினியுடன் நாகார்ஜுனா நடித்த 'கூலி' திரைப்படம் ஆகஸ்ட் 14ஆம் தேதி வெளியாக உள்ளது என்பது குறிப்பிடத்தக்கது.