விக்ரம் நடித்த "வீர தீர சூரன்" திரைப்படம் இம்மாத இறுதியில் வெளியாகும் என்று கூறப்பட்ட நிலையில், சற்றுமுன் படத்தின் தயாரிப்பாளர் தனது சமூக வலைத்தளத்தில் ரிலீஸ் செய்தியை அறிவித்துள்ளார். மேலும், இந்த படத்தை சென்சார் செல்வதற்கு முன் படக் குழுவினர்களுடன் பார்த்ததாகவும் கூறி படம் குறித்த தனது கருத்தையும் தெரிவித்துள்ளார்.

விக்ரம் நடிப்பில், அருண்குமார் இயக்கத்தில் உருவான ’வீர தீர சூரன்’ படத்தின் இரண்டாம் பாகத்தின் படப்பிடிப்பு முடிவடைந்தது. முதல் பாகத்திற்கு முன்பே இரண்டாம் பாகம் தயாராகியிருப்பது குறிப்பிடத்தக்கது. சமீபத்தில் படப்பிடிப்பு முடிவடைந்து, தொழில்நுட்ப பணிகளும் முடிவடைந்ததாக தகவல் வெளியானது.

படத்தின் தயாரிப்பாளர் சிபு தமீன்ஸ் தனது எக்ஸ் பக்கத்தில், "சென்சாருக்கு செல்லும் முன் ’வீர தீர சூரன்’ படத்தை பார்த்தேன். இது மிகவும் மகிழ்ச்சியான தருணம்" என்று தெரிவித்துள்ளார். மேலும், "மிகவும் திறமையான, உண்மையான இயக்குனர் அருண்குமார் அவர்களுக்கு நன்றி. அவருடைய அபாரமான கலைத்திறனை சென்சாருக்கு அனுப்புவதற்கு முன் காணும் வாய்ப்பு கிடைத்தது" என்றும் குறிப்பிட்டுள்ளார்.

இது ஒரு "கமர்ஷியல் திரைப்படம்" என்றும், "விக்ரம் அவர்களுக்கு மிகச்சிறந்த படமாக இருக்கும்" என்றும் அவர் கூறியுள்ளார். ரசிகர்கள் மார்ச் 27ஆம் தேதி இந்த படத்தை திரையரங்கில் காணலாம் என்று அறிவித்துள்ளார். இதனை அடுத்து, படத்தின் ப்ரோமோஷன் பணிகளும் விரைவில் தொடங்கும் என எதிர்பார்க்கப்படுகிறது.

விக்ரம் ஜோடியாக துஷாரா விஜயன் நடித்துள்ள இந்த படத்தில் எஸ்ஜே சூர்யா வில்லனாக நடித்துள்ளார். மேலும் இந்த படத்தில் சூரஜ் ,சித்திக் உள்பட பலரும் நடித்துள்ளனர். ஜிவி பிரகாஷ் இசையில், தேனி ஈஸ்வர் ஒளிப்பதிவில், பிரசன்னா படத்தொகுப்பில் இந்த படம் உருவாகியுள்ளது.

Most happiest moments 🤗🙏

Tnx to most talented and truest #SUArunkumar ( THE WRITER-DIRECTOR)

on showing us his outstanding craft #VeeraDheeraSooran
at QUBE cinema before sending the content to censor

A raw,
cult -commercial
from @chiyaan

One of Sir’s top most

Await… pic.twitter.com/bbt19ugkKx

— Shibu Thameens (@shibuthameens) March 15, 2025