close
Choose your channels

இவர்தான் உண்மையான 'மெர்சல்' டாக்டர்

Tuesday, October 24, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சமீபத்தில் வெளியான 'மெர்சல்' படத்தில் தளபதி விஜய் ஐந்து ரூபாய் டாக்டர் மாறன் கேரக்டரில் நடித்திருப்பார். இப்படி ஒரு டாக்டர் உண்மையில் இருந்தால் எப்படி இருக்கும் என்று அனைவர் மனதும் ஏங்கும் நிலையில் உண்மையிலேயே ரூ.10 மட்டுமே வாங்கி கொண்டு மருத்துவம் பார்க்கும் டாக்டர் ஒருவர் தென்காசியில் இருப்பது தெரியவந்துள்ளது.

நோயாளிகளிடம் ரூ.10 மட்டுமே கட்டணமாக வாங்கும் இந்த டாக்டரின் பெயர் ராமசாமி. சில சமயம் நோயாளிகளிடம் பணம் இல்லை என்றாலும் மருத்துவம் பார்த்து அவர்களுடைய பஸ் போக்குவரத்துக்கு கையில் பணமும் கொடுத்து அனுப்புகிறாராம்.

நெல்லை மாவட்டம் கோவில்பட்டி அருகே உள்ள நாலாட்டின்புத்தூர் என்ற பகுதியை சேர்ந்த இவர் தென்காசி அருகேயுள்ள கருங்குளம் என்ற பகுதியில் கிளினிக் வைத்துள்ளார். இதுவரை குடும்ப டாக்டர் என்றுதான் அனைவரும் கேள்விப்பட்டிருக்கின்றோம். ஆனால் இந்த டாக்டர் அந்த பகுதியில் உள்ள ஒவ்வொரு குடும்பத்திலும் ஒருவராக உள்ளார்.

மருத்துவ சேவை குறித்து டாக்டர் ராமசாமி கூறியபோது, 'மருத்துவம் என்பது ஒரு சேவை. சேவை செய்ய ஆசை இருக்கின்றவா்கள் மட்டும்தான் மருத்துவம் படிக்க வேண்டும். மக்கள், மருத்துவர்களை தெய்வமாக நினைக்கிறார்கள். அதனால், மருத்துவம் படிக்கின்ற மாணவர்கள் இந்தத் தொழிலோட புனிதத்தைப் புரிந்து கொள்ள வேண்டும். நோயாளியை கனிவாக அணுகவேண்டும். அவா்களுக்கு நம்பிக்கை கொடுக்க வேண்டும். நம்பிக்கைதான் பாதி மருந்து. அதைக் கொடுக்கத் தவறக் கூடாது' என்று கூறியுள்ளார்.

மேலும் கல்வி, மருத்துவம் இரண்டும் அரசாங்கம் கையில் மட்டுமே இருக்க வேண்டும். அப்போதுதான் ஏழைகளுக்கு தரமான மருத்துவம் கிடைக்கும்' என்று கூறியுள்ளார்.

மருத்துவத்தை புனிதமான சேவையாக செய்து வரும் இந்த உண்மையான 'மெர்சல்' டாக்டருக்கு வாழ்த்துக்களை தெரிவிப்போம்

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.