'திரெளபதி முத்தம் தட்டான் தட்டான்': 'கர்ணன்' படத்தின் லேட்டஸ்ட் அப்டேட்!
- IndiaGlitz, [Thursday,March 11 2021]
தனுஷ் நடிப்பில் மாரி செல்வராஜ் இயக்கத்தில் கலைப்புலி எஸ் தாணு அவர்களின் தயாரிப்பில் உருவாகி வரும் திரைப்படம் ’கர்ணன்’. இந்த படம் ஏப்ரல் 9ஆம் தேதி ரிலீசாக இருக்கும் நிலையில் இந்த படத்தின் புரமோஷன் பணிகள் அவ்வப்போது நடைபெற்று வருகின்றன
ஏற்கனவே இந்த படத்தில் இடம்பெற்ற மாரியம்மாள் பாடிய ’கண்டா வரச்சொல்லுங்க’ என்ற பாடலும், இசையமைப்பாளர் தேவா பாடிய ’பண்டாரத்தி புராணம்’ என்ற பாடலும் மிகப் பெரிய ஹிட்டானது. மேலும் இந்த படத்தில் இடம் பெற்ற மூன்றாவது பாடலான ’திரெளபதி முத்தம் என்ற பாடல் இன்று வெளியாக இருப்பதாக ஏற்கனவே அறிவிக்கப்பட்டிருந்தது
இந்த நிலையில் சற்று முன் தயாரிப்பாளர் கலைபுலி எஸ் தாணு அவர்கள் தனது டுவிட்டர் பக்கத்தில் ’திரெளபதி முத்தம் தட்டான் தட்டான்’ என்ற பாடல் இன்று மாலை 4.04 மணிக்கு வெளியாகும் என்று அறிவித்து உள்ளார். இந்த பாடலை அனைத்தும் ரசிகர்களும் ரசிக்க தயாராகுங்கள் என்று அவர் குறிப்பிட்டு உள்ளதை அடுத்து தனுஷ் ரசிகர்கள் இந்த டுவிட்டை வைரலாகி வருகின்றனர் என்பது குறிப்பிடத்தக்கது.
சந்தோஷ் நாராயணன் இசையில் உருவாகியுள்ள இந்த படம் இந்த ஆண்டின் மிகப்பெரிய எதிர்பார்ப்பை ஏற்படுத்தியுள்ள படம் என்பது குறிப்பிடத்தக்கது.
Get ready for the #Paadal3 of #Karnan #DraupathaiyinMuttham #ThattaanThattaan releasing today at 4:04 PM @Music_Santhosh @dhanushkraja @mari_selvaraj @KarnanTheMovie @thinkmusicindia @ZeeTamil pic.twitter.com/DbJ7LqdeG7
— Kalaippuli S Thanu (@theVcreations) March 11, 2021