நடிகர், இயக்குனர் பார்த்திபன் மட்டுமே நடித்து இயக்கிய ‘ஒத்த செருப்பு’ திரைப்படம் சமீபத்தில் வெளியாகி நல்ல வரவேற்பைப் பெற்றது. இந்தப் படத்தை ரஜினிகாந்த், கமல்ஹாசன் உள்பட முக்கிய திரையுலக பிரபலங்கள் அனைவரும் பாராட்டினர் என்பது குறிப்பிடத்தக்கது.

இந்த நிலையில் ’ஒத்த செருப்பு’ திரைப்படத்தை அடுத்து இயக்குனர் பார்த்திபன் நடித்தி இயக்கும் அடுத்த படத்தின் டைட்டில் சற்றுமுன்னர் வெளியாகியுள்ளது. இந்த படத்திற்கு ’இரவின் நிழல்’ என்ற கவிதைத்தனமான டைட்டில் வைக்கப்பட்டுள்ளது. இந்த படத்தின் டைட்டிலை இயக்குனர் இமயம் பாரதிராஜா அவர்கள் வெளியிட்டு, பார்த்திபனுக்கு தனது வாழ்த்துக்களையும் கூறியுள்ளார். அவர் தனது வாழ்த்துச் செய்தியில் கூறியிருப்பதாவது:

ஒத்த செருப்பு திரைப்படத்தின் மூலம் தமிழக இயக்குனர் வரிசையில் இருந்து உலக இயக்குனர் வரிசைக்கு தன் உயரத்தை உயர்த்திக் கொண்ட என் பாசத்துக்குரிய பார்த்திபன்.. இனிய புத்தாண்டு இன்று தொடங்கும் ‘இரவின் நிழல்’ உலக விருதுகள் பல வென்றெடுத்து தமிழுக்கும், தமிழனுக்கும் பெருமை சேர்ப்பாய் நிச்சயம். வாழ்த்துக்கள்.. இவன் கவிதைக்காக உங்களில் ஒருவனாக நானும் காத்திருக்கிறேன்’ என்று கூறியுள்ளார்.