எனது படத்தின் டிரைலரை பார்த்த முதல் நபர் சூப்பர் ஸ்டார் ரஜினிகாந்த் தான் என்றும், டிரைலரை பார்த்து அவர் சொன்ன வார்த்தைகளை வாழ்நாளில் நான் மறக்கவே மாட்டேன் என்றும் பிரபல நடிகர் ஒருவர் தனது சமூக வலைதளத்தில் பதிவு செய்துள்ளார்.

பிரபல மலையாள நடிகர் மோகன்லால் நடிப்பில், பிரித்விராஜ் சுகுமாரன் இயக்கத்தில் உருவான திரைப்படம் ’எம்புரான்’. ‘லூசிபர்’ படத்தின் இரண்டாம் பாகமாக உருவாகி இருக்கும் இந்த படம் மார்ச் 27ஆம் தேதி உலகம் முழுவதும் தமிழ், தெலுங்கு, மலையாளம், கன்னடம், ஹிந்தி என ஐந்து மொழிகளில் வெளியாகியுள்ளது.

மோகன்லாலின் ‘லூசிபர்’ படம் மிகப்பெரிய வெற்றி பெற்றதால், இந்த படத்திற்கும் அதைவிட அதிகமான எதிர்பார்ப்பு நிலவி உள்ளது. இந்த படத்தின் டீசர் சமீபத்தில் வெளியாகி நல்ல வரவேற்பை பெற்றது. டிரைலர் இன்னும் சில நாட்களில் வெளியாக இருக்கின்ற நிலையில், சூப்பர் ஸ்டார் ரஜினிகாந்த் இந்த படத்தின் டிரைலரை பார்த்ததாக பிரித்விராஜ் தனது சமூக வலைதளத்தில் பதிவு செய்துள்ளார்.

’எம்புரான்’ படத்தின் டிரைலரை முதன் முதலில் பார்த்தவர் சூப்பர் ஸ்டார் ரஜினிகாந்த் தான். அதை பார்த்த பிறகு, "நீங்கள் என்னிடம் சொல்லியதை என் வாழ்நாளில் மறக்க முடியாது. இந்த உலகமே எனக்கானது போல இருக்கிறது! ஒரிஜினல் சூப்பர் ஸ்டார் நீங்கள்தான்! நான் எப்போதும் உங்களின் தீவிர ரசிகன்!" என அவர் பதிவு செய்துள்ளார்.

மேலும், ரஜினிகாந்த் உடன் எடுத்த புகைப்படத்தையும் அவர் வெளியிட்டுள்ளார். அந்த புகைப்படம் தற்போது இணையத்தில் வைரலாகி வருகிறது.

The very first person to watch the trailer of #L2E #EMPURAAN I will forever cherish what you said after watching it Sir! This meant the world to me! Fanboy forever! @rajinikanth #OGSuperstar pic.twitter.com/Dz2EmepqdZ

— Prithviraj Sukumaran (@PrithviOfficial) March 18, 2025