close
Choose your channels

దేశ వ్యాప్తంగా ఆగస్ట్‌లో తెరుచుకోనున్న థియేటర్లు!

Wednesday, July 29, 2020 • తెలుగు Comments

దేశ వ్యాప్తంగా ఆగస్ట్‌లో తెరుచుకోనున్న థియేటర్లు!

లాక్‌డౌన్ సమయంలో మూతపడ్డ సినిమా హాళ్లు ఇప్పటికీ ఓపెన్ కాలేదు. అయితే ఇప్పుడిప్పుడే పలు దేశాల్లో కొన్ని జాగ్రత్తల నడుమ హాళ్లు తెరుచుకుంటున్నాయి. ఈ నేపథ్యంలో మన దేశంలో హాళ్లు ఇప్పట్లో తెరుచుకుంటాయా? లేదా? అనే దానిపై సందిగ్ధం ఏర్పడింది. దీనిపై కేంద్ర హోంశాఖ సహాయ మంత్రి కిషన్‌రెడ్డి క్లారిటీ ఇచ్చారు. ఈ నేపథ్యంలో ఆయన కొందరు సినీ ప్రముఖులతో సోషల్ మీడియా ద్వారా మాట్లాడారు. 25 శాతం ఆక్యుపెన్సీతో ఆగస్ట్ 1 నుంచి సినిమా హాళ్లు తెరవడానికి బాలీవుడ్ నిర్మాణ సంస్థలు అంగీకారం తెలిపాయని కిషన్‌రెడ్డి తెలిపారు.

ఈ నెల 31న తుది నిర్ణయం ప్రకటిస్తామన్నారు. అయితే రాష్ట్రాల అనుమతితో షూటింగ్‌లను మాత్రం చేసుకోవచ్చన్నారు. ఇదే విషయాన్ని నిర్మాత సురేష్ బాబుకు చెప్పానన్నారు. దక్షిణాది ఛాంబర్, అసోసియేషన్ నుంచి లేఖలు రాశామని సురేష్ చెప్పారని.. కేంద్ర హోంశాఖకు కూడా లేఖలు ఇస్తే ప్రధాని దృష్టికి తీసుకెళ్తానన్నారు. కేంద్ర, రాష్ట్రాలకు ఆదాయం వచ్చే సినీ పరిశ్రమపై సానుకూల నిర్ణయం ఉంటుందని కిషన్‌రెడ్డి వెల్లడించారు. కిషన్‌రెడ్డి హామీతో ఆగస్ట్ బొమ్మ పడే అవకాశాలే ఎక్కువగా కనిపిస్తున్నాయి.

Get Breaking News Alerts From IndiaGlitz