close
Choose your channels

கார்த்தி மிகவும் அமைதியானவர்: 'தீரன்' வில்லன் நடிகர் ரோஹித் பதக் புகழாரம்

Monday, November 20, 2017 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

கார்த்தி நடிப்பில் வினோத் இயக்கிய 'தீரன் அதிகாரம் ஒன்று' படம் கடந்த வெள்ளியன்று வெளியாகி அனைத்து தரப்பினர்களின் பாராட்டுக்களை பெற்றுள்ள நிலையில் இந்த படத்தில் கார்த்திக்கு இணையாக நடித்தவர்கள் வில்லன்கள் இருவர். அவர்கள் அபிமன்யசிங் மற்றும் ரோஹித் பதக். ஒரு படத்தில் எந்த அளவுக்கு வில்லன் கேரக்டர் அழுத்தமாக இருக்கின்றதோ, அந்த அளவுக்கு படத்தின் விறுவிறுப்பும் அதிகமாக இருக்கும் என்பதை நிரூபித்த படங்களில் இதுவும் ஒன்று. இந்த படத்தில் கிளைமாக்ஸில் தவிர மற்ற அனைத்து காட்சிகளிலும் வில்லன் கைகளே ஓங்கியிருக்கும் என்பது குறிப்பிடத்தக்கது.

இந்த நிலையில் கார்த்தியுடன் நடித்த அனுபவம் குறித்து வில்லன் நடிகர் ரோஹித் பதக் கூறியதாவது;

கார்த்தி போன்ற தலைசிறந்த நடிகருடன் நடித்தது மகிழ்ச்சியான ஒன்று. அவர் அதிகம் ஒத்துழைக்கக்கூடிய சிறந்த நபர் ஆவார். நானும் கார்த்தியும் அவரவர் திரை துறையை பற்றி அதிகம் விவாதிப்பது உண்டு.அவர் மிகவும் அமைதியானவர் , என்னோடு நட்பாக பழகுவார். முக்கியமான காட்சிகளில் எனக்கு உதவுவார். சில நேரங்களில் நான் மிகவும் பயங்கரமான சண்டை மற்றும் சேசிங் காட்சிகளில் நடிக்க வேண்டியிருக்கும். பஸ் மேல் படமாக்கப்பட்ட பரபரப்பான ஆக்சன் காட்சியை படம்பிடிக்க 9 முதல் 10 நாள் ஆகியது. தினமும் அந்த காட்சியை படமாக்கும் போது நானும் கார்த்தியும் பஸ் மேல் ஏறி அமர்ந்திருப்போம். இந்த காட்சியை படமாக்க ஸ்டன்ட் மாஸ்டர் தினேஷ் எங்களுக்கு அதிக அளவில் ஒத்துழைப்பு தந்தார். இப்போது நான் அவருடைய மிகப்பெரிய ரசிகன். சண்டை காட்சியை படமாக்கும் போது தன்னுடைய உதவியாளர்களை என்னோடு இருக்குமாறு கூறி பாதுகாப்பாக அக்காட்சிகளை படம்பிடித்தார் தினேஷ்.

படம் ரிலீஸ் ஆகும் நாள் அன்று என்னுடைய கைபேசியை அனைத்து வைத்திருந்தேன். படத்துக்கு என்ன ரிசல்ட் வருமோ. எல்லோரும் படத்தை பற்றி என்ன எழுத போகிறார்களோ என்றோ பயந்துகொண்டு இருந்தேன். ஆனால் படத்துக்கு நல்ல விமர்சனம் வந்துள்ளது மகிழ்ச்சியாக உள்ளது' என்று ரோஹித் பதக் கூறியுள்ளார்.

 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.