రాజమౌళిని డబ్బులు డిమాండ్ చేశారు...
- IndiaGlitz, [Saturday,May 20 2017]
తెలుగు సినిమా ఖ్యాతిని బాహుబ‌లి చిత్రంతో ప్రపంచ స్థాయికి పెంచిన ద‌ర్శ‌కుడు ఎస్‌.ఎస్‌.రాజ‌మౌళి. విజువ‌ల్ వండ‌ర్‌గా రూపొందిన బాహుబ‌లి-2 ఇప్పుడు 1500 కోట్ల క‌లెక్ష‌న్స్‌తో ఇండియా హయ్య‌స్ట్ గ్రాస‌ర్‌గా రేసులో దూసుకెళుతోంది. అయితే బాహుబ‌లి-2 విడుదల త‌ర్వాత త‌మ‌కు బెదిరింపులు వ‌చ్చాయ‌ని, కొంద‌రు హ్య‌క‌ర్లు ఫోన్ చేసి తాము అడిగిన డబ్బులు ఇవ్వ‌కుంటే సినిమాను నెట్‌లో పెడ‌తామ‌ని బెదిరించార‌ని రాజ‌మౌళి తెలిపారు.
ఈ బెదిరింపుల‌కు పాల్ప‌డిన సైబ‌ర్ నేర‌స్థుల‌ను సైబ‌ర్ క్రైమ్ పోలీసులు అరెస్ట్ చేశారు. ఈ నిందుతుల‌ను బీహార్‌లోని బిగుస‌రాయ్‌లో అరెస్ట్ చేశార‌ట. అయితే వీరి అరెస్టుకు బీహార్ పోలీసులు స‌హ‌క‌రించలేద‌ట. కానీ తెలంగాణ రాష్ట్ర పోలీసులు నిందితుల‌ను అరెస్ట్ చేశారు. నిందుతులు ముందు క‌ర‌ణ్‌జోహార్‌ను డ‌బ్బు డిమాండ్ చేశారు. అనంతరం ఆర్కామీడియాకు ఫోన్ చేశారని పోలీసులు తెలిపారు.