பிகில் படத்தின் நிஜமான வெற்றி! வைரலாகும் வீடியோ!
Send us your feedback to audioarticles@vaarta.com
தளபதி விஜய் நடித்த ‘பிகில்’ திரைப்படம் கடந்த தீபாவளி விருந்தாக திரைக்கு வந்து வெற்றிகரமாக திரையரங்குகளில் ஓடி வருகிறது. இந்த படம் ஒருபக்கம் ரூ.200 கோடிக்கும் மேல் வசூல் செய்ததாக ஒரு தகவலும், பார்வையாளர்கள் வராததால் காட்சிகள் ரத்து என இன்னொரு தகவலும் சமூக வலைத்தளங்களில் பரவி வருகிறது
இந்த நிலையில் வசூல் அளவில் எப்படியோ, மனதளவில் இந்த படம் நிஜமான வெற்றியை பெற்றுள்ளது என்பதற்கு தற்போது வைரலாகி வரும் வீடியோ ஒன்றே சான்றாக உள்ளது. பிகில் படத்தில் ஆசிட் வீசியதால் முகம் பாதிக்கப்பட்ட ரெபா மோனிகா கேரக்டர் ஒன்று இருக்கும். இந்த கேரக்டரிடம் விஜய் பேசி வீட்டுக்குள் முடங்கியிருந்த அவரை வெளியே வரவழைத்து கால்பந்து போட்டியில் கலந்து கொள்ள வைப்பார். முன்னதாக இந்த கேரக்டர்ஆசிட் வீசியவனையே நேரில் சந்தித்து ‘ஆசிட் வீசிய நீயே வெளியே நடமாடும்போது, நான் ஏன் வீட்டுக்குள் முடங்கியிருக்க வேண்டும்’ என்ற வசனம் அனைவரையும் கவர்ந்திருக்கும்
இந்த நிலையில் பிகில் படத்தை பார்த்த ஆசிட் வீச்சினால் பாதிக்கப்பட்ட பெண் ஒருவர் இந்த வசனத்தை பேசிய வீடியோ ஒன்றுதான் தற்போது வைரலாகி வருகிறது. இதுபோன்ற பெண்கள் வெளியே தைரியமாக வருவதுதான் இந்த படத்தின் உண்மையான வெற்றி என நெட்டிசன்கள் இந்த வீடியோவை பகிர்ந்து வருகின்றனர்.
இந்த வீடியோவை பிகில் படத்தில் நடித்த நடிகை வர்ஷா பொம்மலா உள்பட பலர் தங்களுடைய சமூக வலைத்தளத்தில் பகிர்ந்து வருகின்றனர் என்பது குறிப்பிடத்தக்கது
This is all we wanted ❤️❤️❤️
— Varsha Bollamma (@VarshaBollamma) November 1, 2019
Can someone tag the wonderful person in this video? https://t.co/DcBbLw7PDt
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.