கடந்த பல மாதங்களாக விஜய் டிவியில் நம்பர் ஒன் இடத்தில் இருந்த "சிறகடிக்க ஆசை" சீரியல், முதல் முறையாக இரண்டாவது இடத்திற்கு தள்ளப்பட்டுள்ளது. முதல் இடத்தில் "சின்ன மருமகள்" இடம் பெற்றுள்ளது என்பது குறிப்பிடத்தக்கது. அதேபோல், அனைத்து டிவி டிஆர்பி ரேட்டிங்குகளிலும் "சிறகடிக்க ஆசை" சீரியலை "சின்ன மருமகள்" முந்தியுள்ளது.

இந்த வார டிஆர்பி ரேட்டிங்கில் வழக்கம்போல் சன் டிவியின் "சிங்க பெண்ணே", "மூன்று முடிச்சு", "கயல்", "மருமகள்" ஆகிய நான்கு சீரியல்கள் முதல் நான்கு இடங்களை பிடித்து, அசைக்க முடியாத நிலையில் உள்ளன. ஐந்தாவது இடத்தில் தான் விஜய் டிவியின் "சின்ன மருமகள்" இடம் பெற்றுள்ளது.

சமீப காலமாக ’சின்ன மருமகள் சீரியலுக்கு ரசிகர்களின் ஆதரவு அதிகரித்து வருகிறது. இதனால் டிஆர்பி புள்ளிகளும் அதிகரித்துள்ளது. ஆனால் ‘சிறகடிக்க ஆசை’ சீரியலில் மெயின் கதைக்கு தேவையில்லாத காட்சிகள் இருப்பது பின்னடைவுக்கு ஒரு காரணமாக கூறப்படுகிறது. மேலும், கதைக்கு சம்பந்தமில்லாத கிளை கதைகளை உருவாக்கி நாட்களை கடத்தவே சில காட்சிகள் இணைக்கப்பட்டுள்ளதால் பார்வையாளர்கள் அதிருப்தி அடைந்திருப்பதாகவும் தகவல்கள் வெளியாகியுள்ளன.

ஏழாவது இடத்தில் சன் டிவியின் ’அன்னம்’ இடம் பிடித்துள்ள நிலையில், எட்டாவது இடத்தில் விஜய் டிவியின் "பாக்கியலட்சுமி" இடம் பெற்றுள்ளது. "பாக்கியலட்சுமி" சீரியலின் நேரம் மாற்றப்பட்ட போதிலும், அது இன்னும் எட்டாவது இடத்தை தக்கவைத்துக் கொண்டுள்ளது. ஒன்பதாவது இடத்தில் சன் டிவியின் "எதிர்நீச்சல் 2", பத்தாவது இடத்தில் "பாண்டியன் ஸ்டோர்ஸ் 2" உள்ளது என்பது குறிப்பிடத்தக்கது.

மேலும், இந்த வாரம் ஜீ டிவியின் எந்த ஒரு சீரியல் கூட முதல் 10 இடத்தில் இடம் பெறவில்லை என்பது குறிப்பிடத்தக்கது.