தளபதி விஜய் நடித்து வரும் ‘ஜனநாயகன்’ படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தில் விஜய்க்கு நெருக்கமான மூன்று பிரபல இயக்குனர்கள் சிறப்பு தோற்றத்தில் நடிக்க இருப்பதாக தகவல் வெளியாகியுள்ளது.

விஜய் நடிப்பில், ஹெச். வினோத் இயக்கத்தில் உருவாகி வரும் விஜய்யின் 69ஆவது திரைப்படம் ‘ஜனநாயகன்’. இது விஜயின் கடைசி திரைப்படம் என்றும், இதைத் தொடர்ந்து அவர் முழுநேர அரசியலில் ஈடுபட உள்ளார் என்றும் அறிவிக்கப்பட்டுள்ளது.

ஏற்கனவே, ‘ஜனநாயகன்’ படத்தின் போஸ்டர்கள் வெளியாகி ரசிகர்களிடையே நல்ல வரவேற்பை பெற்றுள்ள நிலையில், , வரும் ஏப்ரல் 14ஆம் தேதி தமிழ் புத்தாண்டு தினத்தில், ‘ஜனநாயகன்’ கிளிம்ஸ் பிலிம்ஸ் வீடியோ வெளியிடப்பட உள்ளதாக தகவல்கள் வெளியாகியுள்ளன.

இந்த நிலையில் இந்த படத்தில் விஜய்க்கு நெருக்கமான மூன்று பிரபல இயக்குநர்கள் அதாவது லோகேஷ் கனகராஜ், நெல்சன், மற்றும் அட்லி சிறப்பு தோற்றத்தில் நடிக்கவுள்ளதாக தகவல் வெளியாகியுள்ளது. இந்த தகவல் விஜய் ரசிகர்களுக்கு பெரும் மகிழ்ச்சியை ஏற்படுத்தியுள்ளது.

விஜய் ஜோடியாக பூஜா ஹெக்டே நடிக்க இருக்கும் இந்த படத்திற்கு அனிருத் இசையமைக்க உள்ளார். இந்த படத்தின் வில்லனாக பாபி தியோல் நடித்து வரும் நிலையில் மமிதா பாஜு, பிரியாமணி, கௌதம் மேனன், பிரகாஷ்ராஜ் உள்ளிட்டோர் நடிக்கவுள்ளனர். மேலும் இந்த படத்தின் ஒளிப்பதிவாளராக சத்யன் சூரியன், ஸ்டண்ட் இயக்குனராக அனல் அரசு, கலை இயக்குனராக செல்வகுமார், படத் தொகுப்பாளராக பிரதீப் ராகவ், உடை வடிவமைப்பாளராக பல்லவி, பப்ளிசிட்டி டிசைனராக கோபி பிரசன்னா ஆகியோர் பணிபுரிந்து வருகின்றனர்.