கடந்த ஆண்டு 'காட்டேரி ' என்ற படத்தின் தொடக்கவிழா நடத்தப்பட்டது. இந்த படத்தில் முதலில் தெலுங்கு நடிகர் ஆதி நடிக்கவுள்ளதாகவும், அவருக்கு ஜோடியாக ஓவியா நடிக்கவுள்ளதாகவும் செய்திகள் வெளிவந்தது. ஆனால் தற்போது இந்த படத்தில் இருவரும் இல்லை

வைபவ் நாயகனாக நடிக்கும் இந்த படத்தில் நடிக்க வரலட்சுமி, ஆத்மிகா, மற்றும் சோனம் பாஜ்வா ஆகிய மூன்று ஹீரோயின்கள் நடிக்க ஒப்பந்தமாகியுள்ளனர். 

இந்த படத்தில் நடிப்பது குறித்து நடிகை ஆத்மிகா கூறியபோது, 'இந்த படத்தில் நடிக்கும் மூன்று நாயகிகளுக்கும் சமமான கேரக்டர். யாரும் முதல் ஹீரோயின், இரண்டாவது ஹீரோயின் என்று இல்லை. ஜூன் மாதம் எனது காட்சிகளின் படப்பிடிப்பு சென்னையில் நடைபெறவுள்ளது. இந்த படத்தின் படப்பிடிப்பு வெளிநாட்டிலும் நடைபெறவுள்ளது என்று கூறியுள்ளார்.

ஸ்டுடியோக்ரீன் நிறுவனம் தயாரிக்கவுள்ள இந்த படத்தை இயக்குனர் டீகே இயக்கவுள்ளார். இவர் ஏற்கனவே 'யாமிருக்க பயமே' மற்றும் 'கவலை வேண்டாம்' படங்களை இயக்கியவர் என்பது குறிப்பிடத்தக்கது.