உலகநாயகன் கமல்ஹாசன், சிம்பு, திரிஷா, ஏ.ஆர். ரஹ்மான், மணிரத்னம் என ஐந்து ஜாம்பவான்கள் ஒரே படத்தில் இணைந்ததால், ‘தக்லைஃப்’படம் மிகப்பெரிய அளவில் எதிர்பார்ப்பை ஏற்படுத்தியது. அதற்கேற்றவாறு, இந்தியாவில் மட்டுமின்றி வெளிநாடுகளிலும் இந்த படம் புரமோஷன் செய்யப்பட்டது என்பதும், புரமோஷனுக்காக சில கோடிகள் ஒதுக்கப்பட்டது என்பதும் குறிப்பிடத்தக்கது.

இந்த நிலையில், கடந்த 5ஆம் தேதி ‘தக்லைஃப்’ திரைப்படம் வெளியான நிலையில், முதல் நாள் முதல் காட்சி முடிந்தவுடன் படத்திற்கு கலவையான விமர்சனம் கிடைத்தது. இதனால் அடுத்தடுத்த காட்சிகளில் கூட்டம் குறைந்த நிலையில், இந்த படத்தின் முதல் நாள் வசூல் வெறும் 17 கோடி ரூபாய் என்று கூறப்பட்டது.

இந்த நிலையில், வியாழன், வெள்ளி, சனி ஆகிய மூன்று நாட்களில் இந்த படம் இந்திய அளவில் 30 கோடி ரூபாய் மட்டுமே வசூல் செய்ததாக டிரேடிங் வட்டாரங்கள் கூறுகின்றன. 180 கோடி ரூபாய் பட்ஜெட்டில் உருவாகிய இந்த படம், மிகப்பெரிய தோல்வியை சந்தித்துள்ளதாக கூறப்படுகிறது.