'துப்பறிவாளன்' 2வது வார வசூல் எப்படி?
- IndiaGlitz, [Monday,September 25 2017]
விஷால் நடிப்பில் இயக்குனர் மிஷ்கின் இயக்கிய 'துப்பறிவாளன்' திரைப்படத்தின் ஓப்பனிங் வசூல் மற்றும் முதல் வார இறுதி வசூல் அபாரமாக இருந்தது என்பதை ஏற்கனவே பார்த்தோம். இந்த நிலையில் சென்னையில் இந்த படத்தின் 2வது வார இறுதி வசூல் நிலவரம் குறித்து தற்போது பார்ப்போம்
கடந்த வார இறுதி நாட்களில் இந்த படம் சென்னையில் 16 திரையரங்குகளில் 167 காட்சிகள் திரையிடப்பட்டு ரூ.61,76,265 வசூல் செய்துள்ளது. மேலும் திரையரங்குகளில் 85% பார்வையாளர்கள் இருந்தனர் என்பது குறிப்பிடத்தக்கது.
மேலும் இந்த படம் சென்னையில் ரிலீஸ் தினமான கடந்த 14ஆம் தேதியில் இருந்து 24ஆம் தேதி வரை ரூ.2,86,96,542 வசூல் செய்துள்ளது. விஷால் படங்களில் சென்னையில் அதிக வசூல் செய்த படம் என்ற பெருமையை 'துப்பறிவாளன்' பெற்றுள்ளது என்பது குறிப்பிடத்தக்கது.