டைட்டானிக் திரைப்படத்தின் மூலம் உலகம் முழுவதும் புகழ் பெற்ற நடிகை கேட் வின்ஸ்லெட், புதிய அவதாரம் எடுக்க இருப்பதாக அறிவித்துள்ளார். இதையடுத்து, அவரது ரசிகர்கள் பெருமகிழ்ச்சியுடன் வாழ்த்துக்களை தெரிவித்து வருகின்றனர்.

1997 ஆம் ஆண்டு, ஜேம்ஸ் கேமரூன் இயக்கத்தில் வெளியான ’டைட்டானிக்’ திரைப்படம் உலகளவில் மிகப்பெரிய வெற்றியைப் பெற்றது. லியோனார்டோ டி காப்ரியோ மற்றும் கேட் வின்ஸ்லெட் நடித்த இந்த படம், 200 மில்லியன் டாலர் செலவில் உருவாக்கப்பட்டு, 2000 பில்லியனுக்கும் அதிகமான வசூலை ஈட்டியது.

இந்த படத்தின் மூலம் கேட் வின்ஸ்லெட் மிகப்பெரிய புகழை பெற்றார். அதன் பிறகு, பல திரைப்படங்களிலும் தொலைக்காட்சி தொடர்களிலும் நடித்தாலும், டைட்டானிக் அளவிற்கு ஒரு மிகப்பெரிய வெற்றி அவருக்கு கிடைக்கவில்லை.

இந்நிலையில், தற்போது அவர் இயக்குநராக அவதாரம் எடுக்க உள்ளார். ’குட்பை ஜூன்’ எனும் தலைப்பில் உருவாகும் இந்த படம், இங்கிலாந்தில் நடைபெறும் ஒரு மனதை தொட்ட காதல் கதையாக இருக்கும் என கூறப்படுகிறது. மேலும், இந்த திரைப்படம் நேரடியாக நெட்ஃப்ளிக்ஸ் ஓடிடி தளத்தில் வெளியிட திட்டமிடப்பட்டுள்ளது.

நடிகையாக இருந்த கேட் வின்ஸ்லெட் தற்போது இயக்குநராக மாற்றம் கண்டுள்ளது, உலகம் முழுவதும் உள்ள அவரது ரசிகர்களிடையே பெரும் வரவேற்பைப் பெற்றுள்ளது.