தகப்பனார் பிறந்தநாள்.... ! ஸ்டாலின் துவங்கவுள்ள நலத்திட்டங்கள்...!
- IndiaGlitz, [Wednesday,June 02 2021]
மறைந்த முன்னாள் முதல்வர் மு. கருணாநிதி அவர்களின் பிறந்தநாள் நாளை கொண்டாடப்படவுள்ள நிலையில், முதலமைச்சர் முக.ஸ்டாலின் பல்வேறு நலத்திட்டங்களை மக்களுக்காக அறிமுகப்படுத்தவுள்ளார்.
நடந்து முடிந்த சட்டமன்ற தேர்தலில் திமுக பெரும்பான்மையான தொகுதிகளில், அபார வெற்றியடைந்து ஆட்சியை பிடித்தது. முதல்வராக பதவியேற்ற நாளிலிருந்து ஸ்டாலின் பொதுமக்களுக்காக பல்வேறு நன்மைகளை செய்து வருகிறார். இந்த நிலையில் நாளை(ஜூன்-3) கலைஞர் அவர்களின் பிறந்தநாள் வரவுள்ளது. கோவிட் காரணமாக கொண்டாட்டங்களை தவிர்க்க வேண்டும் என்று முதல்வர், திமுக தொண்டர்களுக்கு வலியுறுத்தி இருந்தார். இதேபோல் நாளை சென்னையில் உள்ள தலைமைச்செயலகத்தில் தமிழக மக்களுக்காக 5 முக்கிய நலத்திட்டங்களை செயல்படுத்த உள்ளார்.
1.கொரோனா நிவாரண நிதி ரூ.2000
2. மாதச்சம்பளம் வாங்காத அர்ச்சகர்கள் மற்றும் கோவில் ஊழியர்களுக்கு நிவாரண நிதி ரூ.4000
3. ரேஷன் அட்டை வைத்திருப்பவர்களுக்கு, 10கி அரசி மற்றும் 14 வகை மளிகைப்பொருட்கள்
4.கோவிட் காரணமாக உயிரிழந்த மருத்துவர்கள், நீதிபதிகள், வழக்கறிஞர்கள், காவலர்களின் குடும்பத்திற்கு ரூ.25 லட்சம் நிவாரணம் நிதி
5. உயிரிழந்த பத்திரிக்கையாளர்கள் குடும்பங்களுக்கு ரூ.10 லட்சம் நிவாரணம்
உள்ளிட்ட திட்டங்களை நாளை அறிமுகப்படுத்துள்ளார்.
ரேஷன் பொருட்கள் விநியோகம் செய்யும் திட்டம், வரும் ஜூன்-5 ஆம் தேதி முதல் துவங்குகிறது.