நடிகர் சங்க தேர்தல் செல்லாது: ஐகோர்ட்டில் தமிழக அரசு
- IndiaGlitz, [Tuesday,October 15 2019]
தென்னிந்திய நடிகர் சங்க தேர்தல் கடந்த ஜூன் 23ஆம் தேதி சென்னையில் நடைபெற்ற நிலையில் இந்த தேர்தல் சம்மந்தப்பட்ட வழக்கு சென்னை ஐகோர்ட்டில் நடைபெற்று வருவதால் இந்த தேர்தலில் பதிவான வாக்குகள் இன்னும் எண்ணப்படாமல் உள்ளது.
நடிகர் சங்க தேர்தலில் விஷாலின் ‘பாண்டவர் அணியும், பாக்யராஜின் சுவாமி சங்கரதாஸ் அணியும் போட்டியிட்ட நிலையில் இந்த தேர்தலின் முடிவை தெரிந்து கொள்ள நடிகர்கள் அனைவரும் மிகுந்த ஆர்வத்துடன் உள்ளனர்.
இந்த நிலையில் இதுகுறித்த வழக்கு இன்று மீண்டும் சென்னை ஐகோர்ட்டில் நடைபெற்றது. அதில் நடிகர் சங்க தேர்தல் சட்டப்படி நடத்தப்படாததால் இந்த தேர்தல் செல்லாது என தமிழக அரசு பதில் மனு தாக்கல் செய்துள்ளது. இந்த வழக்கின் தீர்ப்பு விரைவில் வெளிவரும் என எதிர்பார்க்கப்படுகிறது.