இன்று அடுத்தடுத்து ஐந்து அப்டேட்கள்: சினிமா ரசிகர்களுக்கு செம குஷி!
- IndiaGlitz, [Wednesday,July 06 2022]
கொரோனா வைரஸ் பாதிப்பு காரணமாக இரண்டு ஆண்டுகளாக முடங்கியிருந்த திரையுலகம் தற்போது மீண்டும் புத்துணர்ச்சி பெற்று அதிக திரைப்படங்களை ரிலீஸ் செய்து வருகிறது. மேலும் பல திரைப்படங்கள் நல்ல வசூலையும் பெற்று இருப்பதால் திரையுலகினர் மிகுந்த மகிழ்ச்சியில் உள்ளனர்.
இந்த நிலையில் திரையுலக ரசிகர்களை குஷிப்படுத்தும் வகையில் இன்று ஐந்து அப்டேட்கள் அடுத்தடுத்து வர உள்ளதாக தகவல்கள் வெளியாகியுள்ளன.இன்று மதியம் 12 மணிக்கு ’பொன்னியின் செல்வன்’ திரைப்படத்தின் புதிய போஸ்டர் வெளியாக உள்ளது. ஏற்கனவே இந்த படத்தின் ஒரு சில போஸ்டர்கள் வெளியாகி நல்ல எதிர்பார்ப்பை ஏற்படுத்தியுள்ளது என்பது தெரிந்ததே..
அதேபோல் ஐஸ்வர்யா ராஜேஷ் நடிக்கும் ’டிரைவர் ஜமுனா’ என்ற திரைப்படத்தின் டிரைலர் இன்று 05.15 மணிக்கு வெளியாக உள்ளது. இந்த டிரைலரை நடிகர் சிவகார்த்திகேயன் வெளியிட உள்ளார்.
மேலும் ஓவியா மற்றும் யோகி பாபு நடிக்கும் படத்தின் டைட்டிலுடன் கூடிய பர்ஸ்ட் லுக் போஸ்டர் இன்று மாலை 05.30 மணிக்கு வெளியாக உள்ளது. நீண்ட இடைவேளைக்கு பிறகு ஓவியாவின் ரசிகர்களுக்கு ஒரு செம அப்டேட் என்பது குறிப்பிடத்தக்கது.
அதேபோல் லிங்குசாமி இயக்கத்தில் உருவாகியுள்ள ’தி வாரியர்’ என்ற திரைப்படத்தின் பத்திரிகையாளர் சந்திப்பு இன்று சென்னையில் நடைபெற உள்ளது. அதனை அடுத்து ஒரு பாடலையும் படக்குழுவினர் வெளியிடவுள்ளனர்.
மேலும் பா ரஞ்சித் இயக்கத்தில் உருவாகியுள்ள ’நட்சத்திரம் நகர்கிறது’ என்ற படத்தின் பர்ஸ்ட் லுக் போஸ்டரும் இன்று வெளியாக உள்ளது. எனவே பல பிரபலங்கள் பணிபுரிந்த படங்களின் அப்டேட்கள் இன்று ஒரே நாளில் வெளியாக உள்ளதை அடுத்து சினிமா ரசிகர்கள் குஷியில் உள்ளனர்.