தமிழ் சினிமாவின் காமெடி மற்றும் குணச்சித்திர நடிகர் காளி வெங்கட் வீட்டில் நிகழ்ந்த துயரத்தை அடுத்து, திரையுலகினர் அவருக்கும் அவரது குடும்பத்தினருக்கும் ஆறுதல் மற்றும் இரங்கல் தெரிவித்து வருகின்றனர்.

தமிழ் சினிமாவின் காமெடி மற்றும் குணச்சித்திர நடிகர் காளி வெங்கட், 2010 ஆம் ஆண்டு முதல் கிட்டத்தட்ட 15 ஆண்டுகளாக பல்வேறு கதாபாத்திரங்களில் தொடர்ந்து நடித்து வருகிறார்.

விஜய், அஜித் உள்ளிட்ட பல முன்னணி நடிகர்களுடன் நடித்துள்ள இவர், கடந்த ஆண்டில் மட்டும் எட்டு படங்களில் நடித்துள்ளார். அவற்றில் அட்லி தயாரித்த ’பேபி ஜான்’ என்ற இந்தி படம் குறிப்பிடத்தக்கது.

இந்த நிலையில், நடிகர் காளி வெங்கட்டின் தாயார் விஜயலட்சுமி காலமானதாக தகவல் வெளியாகியுள்ளதால் திரையுலகில் அதிர்ச்சியை ஏற்படுத்தியுள்ளது. கடந்த சில நாட்களாக உடல்நலக் குறைவால் சிகிச்சை பெற்று வந்த அவர், இன்று மரணமடைந்ததாகவும், அவருக்கு வயது 72 எனவும் கூறப்படுகிறது. காளி வெங்கட் தாயார் மறைவுக்கு திரையுலகினர் பலரும் தங்கள் சமூக வலைதளங்களில் இரங்கல் தெரிவித்து வருகின்றனர்.