గౌతమిని పొగుడుతున్న త్రిష
- IndiaGlitz, [Thursday,October 01 2015]
త్రిష మ‌న‌సులోని మాట‌ల‌ను ఉన్న‌దున్న‌ట్టే చెప్పేస్తుంది. ఈ మ‌ధ్య ఆమె గౌతమిని తెగ పొగిడేస్తోంది. క‌మ‌ల్ ప‌క్క‌న త్రిష న‌టించిన సినిమా చీక‌టి రాజ్యం ఈ సినిమాలో త్రిష లుక్‌కు చాలా మంచి స్పంద‌న వ‌స్తోంది. దాని గురించి త్రిష ద‌గ్గ‌ర ప్ర‌స్తావిస్తే ఆ క్రెడిట్ అంతా గౌత‌మిదేనని చెప్తోంది. గౌత‌మి ఎప్పుడూ ఫ్యాష‌న్ ట్రెండ్‌లో అప్ డేట్ అవుతూనే ఉంటుంది. నా కాస్ట్యూమ్స్ విష‌య‌మే కాదు, నా మేక‌ప్ విష‌యంలోనూ చాలా జాగ్ర‌త్త‌లు తీసుకుంది. త‌ను నా కాస్ట్యూమ్స్ ని హాలీవుడ్ సినిమాల‌ను చూసి ఇన్‌స్ప‌యిర్ అయిన‌ప్ప‌టికీ ఇండియ‌న్ ట‌చ్ ఇచ్చి చాలా అందంగా రూపుదిద్దింది. నిజంగా గౌత‌మికి ఉన్న ఓపిక‌ను మెచ్చుకుని తీరాలి'' అని ప్ర‌శంసించింది.