டாக்டர் கேரக்டரில் முதன்முதலாக த்ரிஷா
- IndiaGlitz, [Wednesday,October 11 2017]
தமிழ் திரையுலகில் கடந்த 15 ஆண்டுகளுக்கும் மேலாக முன்னணி நடிகையாக இருக்கும் த்ரிஷா, தற்போதைய இளம் நடிகைகளுக்கு இணையாக ஒரே நேரத்தில் 6 தமிழ்ப்படங்களில் நடித்து வருகிறார். மோகினி, கர்ஜனை, சதுரங்க வேட்டை 2, 1818, 96 மற்றும் 'சாமி 2' ஆகிய படங்களில் அவர் நடித்து வருகிறார். அதுமட்டுமின்றி ஹே ஹூடே என்ற மலையாள படத்தில் நடிக்கும் த்ரிஷா, மலையாளத்தில் தனது சொந்தக்குரலில் டப்பிங்கும் செய்துள்ளார்.
இந்த நிலையில் அவர் நடிக்கும் புதிய படம் ஒன்றை இயக்குனர் திருஞானம் இயக்கவுள்ளார். இந்த படத்தில் த்ரிஷா முதன்முதலில் டாக்டர் கேரக்டரில் நடிக்கவுள்ளதாக செய்தி வெளிவந்துள்ளது.
நாயகிக்கு முக்கியத்துவம் உள்ள இந்த படம் த்ரிஷாவின் நடிப்புக்கு தீனி போடும் வகையில் இருக்கும் என்று கூறப்படுகிறது.