முதல்முறையாக இணையும் த்ரிஷா-ஓவியா
- IndiaGlitz, [Monday,December 31 2018]
நடிகை ஓவியா நடிப்பில் உருவாகி வரும் '90ml' திரைப்படத்தின் 'பீர் பிரியாணி' என்ற பாடல் இன்று மாலை வெளியாகவுள்ளதாக ஏற்கனவே அறிவிப்பு வெளிவந்துள்ளது என்ற செய்தியை பார்த்தோம்.
இந்த நிலையில் இன்று இரவு 7 மணிக்கு இந்த பாடலை நடிகை த்ரிஷா வெளியிடவுள்ளதாக அறிவிக்கப்பட்டுள்ளது. சமீபத்தில் வெளியான '96' படத்தால் ரசிகர்களின் மனதில் இடம்பெற்ற த்ரிஷா ''90ml' படத்தின் பாடலை வெளியிடுகிறார் என்பதும் ஓவியாவின் பட பாடல் ஒன்றை த்ரிஷா வெளியிடுவது இதுவே முதல்முறை என்பதும் குறிப்பிடத்தக்கது.
நடிகர் சிம்புவின் இசையில் உருவான இந்த பாடல் அனைத்து தரப்பினர்களையும் கவரும் என எதிர்பார்க்கப்படுகிறது. இந்த படத்தை அனிதா உதீப் என்பவர் இயக்கி வருகிறார்.