close
Choose your channels

‘ఆమె కథ’.. మొన్న నవ్యకు.. నేడు రవికృష్ణకూ కరోనా..

Saturday, July 4, 2020 • తెలుగు Comments

‘ఆమె కథ’.. మొన్న నవ్యకు.. నేడు రవికృష్ణకూ కరోనా..

ప్రభుత్వం ఇచ్చిన సడలింపులతో బుల్లితెర షూటింగ్‌లు నిర్వహిస్తోంది. కరోనా గైడ్‌లైన్స్ పాటిస్తున్నప్పటికీ పలువురు మాత్రం కరోనా బారిన పడుతూనే ఉన్నారు. ప్రముఖ బుల్లితెన నటులైన ప్రభాకర్, రాజశేఖర్, సాక్షి శివ ఇప్పటికే కరోనా బారిన పడ్డారు. ఇటీవలే ‘ఆమె కథ’ సీరియల్ హీరోయిన్ నవ్య స్వామి సైతం కరోనా బారిన పడింది. కాగా తాజాగా ఆ సీరియల్ హీరో, బిగ్‌బాస్ 3 కంటెస్టెంట్ రవికృష్ణకు కూడా కరోనా పాజిటివ్‌గా నిర్ధారణ అయింది.

తనకు కరోనా సోకిందని రవికృష్ణే స్వయంగా ఇన్‌స్టాగ్రాం వేదికగా వెల్లడించాడు. ప్రస్తుతం తాను క్షేమమని.. మూడు రోజులుగా ఎలాంటి కరోనా లక్షణాలూ లేవని రవికృష్ణ స్పష్టం చేశాడు. తనతో కలిసి పని చేసిన వారికి సైతం పరీక్షలు నిర్వహించాలని కోరాడు. వైరస్ వ్యాప్తి తీవ్రంగా ఉన్న కారణంగా ఎవరూ బయటకు రావొద్దని రవికృష్ణ కోరాడు.

Get Breaking News Alerts From IndiaGlitz