பிக்பாஸ் தமிழ் சீசன் 7 நிகழ்ச்சி நாளை மறுநாள் முதல் தொடங்க இருக்கும் நிலையில் இந்த நிகழ்ச்சியில் கலந்து கொள்ள இருக்கும் போட்டியாளர்கள் குறித்து கசிந்த தகவல்களை அவ்வப்போது பார்த்து வருகிறோம்.

ஏற்கனவே இந்த நிகழ்ச்சியில் பப்லு பிரித்விராஜ், பாண்டியன் ஸ்டோர்ஸ் நடிகர் குமரன், குக் வித் கோமாளி பிரபலம் ரவீனா, காக்கா முட்டை விக்னேஷ், சீரியல் நடிகர் விஷ்ணு, நடிகை ரச்சிதாவின் முன்னாள் கணவர் தினேஷ், நடன இயக்குனர் ஸ்ரீதர் மாஸ்டர், நடிகர் சந்தோஷ் பிரதாப், நடிகை சோனியா அகர்வால் ஆகியோர் கலந்து கொள்ள இருப்பதாக செய்திகள் கசிந்தது.

இந்த நிலையில் தற்போது மேலும் சில பிரபலங்கள் கலந்து கொள்ள இருப்பதாக கூறப்படுகிறது. குறிப்பாக ’பாரதி கண்ணம்மா’ சீரியலில் நடித்து வரும் வினிஷா தேவி பிக்பாஸ் நிகழ்ச்சியில் கலந்து கொள்ள இருப்பதாக கூறப்படுகிறது. அதுமட்டுமின்றி இந்த நிகழ்ச்சியின் மற்றொரு போட்டியாளராக காமெடி நடிகர் பாலசரவணன் கலந்து கொள்ள வாய்ப்பு இருப்பதாகவும் கூறப்படுகிறது.

மொத்தத்தில் இந்த சீசனில் இரண்டு வீடுகள் மட்டுமின்றி போட்டியாளர்கள் தேர்விலும் கவனம் செலுத்தப்பட்டுள்ளதால் இந்த சீசன் முந்தைய சீசன்களை விட சுவாரசியமாக இருக்கும் என்று எதிர்பார்க்கப்படுகிறது.