ఇంద్రసేన కి రెండు పాటలు బాకీ
- IndiaGlitz, [Wednesday,September 13 2017]
బిచ్చ‌గాడుతో తెలుగులో మార్కెట్ సంపాదించుకున్న విజ‌య్ ఆంటోని.. ప్ర‌స్తుతం ఇంద్రసేన అనే సినిమాలో న‌టిస్తున్నాడు. ఇటీవ‌లే చిరంజీవి చేతుల మీదుగా ఆ చిత్రం ఫ‌స్ట్‌లుక్‌ని విడుదల చేసిన సంగ‌తి తెలిసిందే. ఇందులో విజ‌య్ ఆంటోని అన్న‌ద‌మ్ములుగా రెండు పాత్ర‌ల్లో క‌నిపించ‌నున్నాడు. ఇదిలా ఉంటే.. టాకీ పార్ట్‌ని పూర్తిచేసుకున్న ఈ సినిమా కోసం రెండు పాట‌ల చిత్రీక‌ర‌ణ బ్యాల‌న్స్ ఉంద‌ని, వాటిని త్వ‌ర‌లోనే చిత్రీక‌రిస్తామ‌ని చిత్ర యూనిట్ పేర్కొంది.
డ‌యానా చంప‌క్‌, మ‌హిమా, జ్యూయెల్ మేరీ హీరోయిన్లుగా న‌టిస్తున్న ఈ చిత్రాన్ని రాధికా శ‌ర‌త్ కుమార్‌, ఫాతిమా విజ‌య్ నిర్మిస్తుండ‌గా.. విజ‌య్ ఆంటోని సంగీతం, ఎడిటింగ్ బాధ్య‌త‌లు నిర్వ‌హిస్తున్నారు. న‌వంబ‌ర్‌లో ఇంద్రసేన ప్రేక్ష‌కుల ముందుకు రానుంది.