தேசிய விருது பெற்ற பட இயக்குனருடன் இணையும் உதயநிதி
- IndiaGlitz, [Monday,June 05 2017]
பிரபல மலையாள திரைப்பட இயக்குனர் பிரியதர்ஷன் மலையாளத்தில் மட்டுமின்றி தமிழிலும் 'கோபுர வாசலிலே', 'சினேகிதியே', 'லேசா லேசா', 'காஞ்சிவரம்' உள்பட பல தரமான திரைப்படங்களை இயக்கியுள்ளார். இவற்றில் காஞ்சிவரம்' திரைப்படம் தேசிய விருதினை பெற்றது என்பது குறிப்பிடத்தக்கது.. இந்த நிலையில் மீண்டும் தற்போது ஒரு தமிழ்ப் படத்தை விரைவில் இயக்கவுள்ளார்.
பிரியதர்ஷனின் அடுத்த தமிழ்ப்படத்தில் கோலிவுட்டில் வளர்ந்து வரும் இளம் நாயகனான உதயநிதி நடிக்கவுள்ளார். பிரியதர்ஷன் - உதயநிதி முதன்முதலாக இணையும் இந்த படத்தை மன்சூட் எண்டர்டெயின்மெண்ட் நிறுவனத்தின் சந்தோஷ் தயாரிக்கவுள்ளார். இந்த தகவலை உதயநிதி தன்னுடைய சமூக வலைத்தளத்தில் உறுதி செய்துள்ளார்.
இந்த படத்தில் நடிக்கும் நாயகி உள்பட மற்ற நடிகர், நடிகையர் தேர்வு நடைபெற்று வருவதாகவும், விரைவில் இந்த படத்தில் பணிபுரியும் டெக்னீஷியன்கள் உள்பட முழுவிபரங்கள் வெளியாகும் என்றும் கூறப்படுகிறது. உதயநிதி ஸ்டாலின் ஏற்கனவே தற்போது 'பொதுவாக என் மனசு தங்கம்', மற்றும் 'இப்படை வெல்லும் ஆகிய படங்களில் நடித்து வருகிறார் என்பது குறிப்பிடத்தக்கது.