திமுகவில் தனக்கு எந்த இடம்: உதயநிதி விளக்கம்
- IndiaGlitz, [Wednesday,September 26 2018]
நேற்று நடைபெற்ற கூட்டம் ஒன்றில் பேசிய தமிழக முதல்வர் எடப்பாடி பழனிச்சாமி, திமுக ஒரு கட்சி அல்ல என்றும், அது ஒரு கம்பெனி என்றும், அதிமுகவில் ஒரு சாதாரண தொண்டன் கூட தலைமை பொறுப்பை ஏற்கலாம் என்றும், ஆனால் திமுகவில் வாரிசுகள் மட்டுமே தலைமை பொறுப்பை ஏற்க முடியும் என்றும் மு.க.ஸ்டாலின் மற்றும் உதயநிதியை மறைமுகமாக தாக்கி பேசினார்.
இதற்கு தனது சமூக வலைத்தளத்தில் நடிகரும், திமுக தலைவர் மு.க.ஸ்டாலினின் மகனுமான உதயநிதி விளக்கம் அளித்துள்ளார். அவர் கூறியதாவது: வரிசையில் தான் நிற்கின்றேன், கலைஞரின் உயிரினும் மேலான இயக்கத்தின் கடைமட்ட தொண்டனுக்கு பின்னால், தலைவனாய் அல்ல, அவனுக்கும் தொண்டனாய் சேவை ஆற்றவே! சுயமரியாதை இழந்த அடிவருடிகளுக்கும், முதுகெலும்பில்லாத அடிமைகளுக்கும் எங்கள் இயக்கத்தை பற்றி பேச துளி கூட தகுதி இல்லை.. என்று உதயநிதி பதிவு செய்துள்ளார்.
உதயநிதியின் இந்த கருத்துக்கு பெரும்பாலான நெட்டிசன்கள் வரவேற்பும் ஒருசிலர் எதிர்ப்பும் தெரிவித்து வருகின்றனர்.