close
Choose your channels

'మ‌హా స‌ముద్రం' అప్పుడైనా ఖ‌రార‌వుతుందా?

Saturday, April 4, 2020 • తెలుగు Comments

మ‌హా స‌ముద్రం అప్పుడైనా ఖ‌రార‌వుతుందా?

ఎంత క‌ష్ట‌ప‌డ్డా స‌రే! అవ‌గింజంత అదృష్టముండాల‌నే సామెత సినిమా రంగానికి ప‌క్కాగా సూట్ అవుతుంది. డైరెక్ట‌ర్ అజ‌య్ భూప‌తిని చూస్తూ అది నిజ‌మేన‌ని అర్థ‌మ‌వుతుంది. ఎందుకంటే తొలి చిత్రం ‘ఆర్‌.ఎక్స్ 100’తో సూప‌ర్‌హిట్ అందుకున్నాడు అజ‌య్ భూప‌తి. త‌ర్వాత ‘మ‌హా స‌ముద్రం’ అనే మ‌ల్టీస్టార‌ర్ క‌థ‌ను సిద్ధం చేసుకున్నాడు. ర‌వితేజ‌, సిద్ధార్థ్ స‌హా ప‌లువురు హీరోల‌ను క‌లిశాడు. అంతా ఓకే అవుతున్న త‌రుణంలో ప్రాజెక్ట్ ఆగుతూ వ‌చ్చింది. చివ‌ర‌కు శ‌ర్వానంద్ హీరోగా సినిమా చేయ‌డానికి సిద్ధ‌మ‌య్యాడ‌ని టాక్ వ‌చ్చింది. అయితే ఇప్పుడు నిర్మాత‌ల ద‌గ్గ‌ర స‌మ‌స్య వ‌చ్చింది.

ఎట్ట‌కేల‌కు ఈ సినిమా ఎ.కె.ఎంట‌ర్‌టైన్‌మెంట్ బ్యాన‌ర్ వ‌ద్ద‌కు చేరుకుంది. అయితే ఈలోపు క‌రోనా ఎఫెక్ట్ కార‌ణంగా డిస్క‌ష‌న్స్ ఆగిపోయాయి. క‌రోనా ప్ర‌భావం త‌గ్గ‌గానే సినిమాకు సంబంధించిన బ‌డ్జెట్ త‌దిత‌ర విష‌యాలు ఫైన‌లైజ్ అవుతాయి. మ‌రి శ‌ర్వాంన‌ద్ ఈ బ్యాన‌ర్‌లో చేస్తాడా? లేక డిస్క‌ష‌న్స్ ప‌క్క దారి ప‌ట్టి ప్రాజెక్ట్ మ‌రో చోట‌కు వెళుతుందా? అనే విష‌యాలు తెలియాల్సి ఉన్నాయి. మ‌రి అజ‌య్ భూప‌తి ‘మ‌హా స‌ముద్రం’ ఎప్పుడు షురూ అవుతుందో తెలియాలంటే మ‌రికొన్ని వెయిట్ చేయాల్సి రావ‌చ్చు.

Get Breaking News Alerts From IndiaGlitz