చిరు 150 సినిమాపై క్లారిటి
- IndiaGlitz, [Monday,January 18 2016]
మెగాస్టార్ చిరంజీవి 150వ సినిమా గురించి గత కొన్నిరోజులుగా చ‌ర్చ జ‌రుగుతున్న విష‌యం తెలిసిందే. చిరు 150వ సినిమాగా త‌మిళ్ లో ఘ‌న విజ‌యం సాధించిన క‌త్తి సినిమాని రీమేక్ చేస్తున్నారు. సెన్సేష‌న‌ల్ డైరెక్ట‌ర్ వినాయ‌క్ ఈ చిత్రానికి ద‌ర్శ‌క‌త్వం వ‌హించ‌నున్నారు.
ప్ర‌స్తుతం ఈ ప్ర‌తిష్టాత్మ‌క చిత్రానికి సంబంధించి స్ర్కిప్ట్ వ‌ర్క్ జ‌రుగుతోంది. ఈ భారీ చిత్రాన్ని రామ్ చ‌ర‌ణ్ కొణిద‌ల ప్రొడ‌క్ష‌న్స్ బ్యానర్ లో, రోబో 2 నిర్మాణ సంస్థ లైకా ప్రొడ‌క్ష‌న్స్ తో క‌లిసి నిర్మిస్తుండ‌డం విశేషం. చిరంజీవి స‌ర‌స‌న న‌య‌న‌తార న‌టించే అవ‌కాశం ఉంది. ఆమె డేట్స్ కుద‌ర‌క‌పోతే వేరే హీరోయిన్ ని ఎంపిక చేస్తారు. దాదాపు 70 కోట్ల బ‌డ్జెట్ తో ఈ సినిమాని నిర్మిస్తార‌ట.
అయితే సంక్రాంతి సంద‌ర్భంగా డైరెక్ట‌ర్ వినాయ‌క్ తూర్పుగోదావ‌రి జిల్లా మామిడికుదురు మండ‌లం పాశ‌ర్ల‌పూడి లో ఓ కార్య‌క్ర‌మంలో పాల్గొన్నారు. ఈ సంద‌ర్భంగా వినాయ‌క్ మీడియాతో మాట్లాడుతూ... చిరు 150వ సినిమా గురించి క‌థా చ‌ర్చ‌లు జ‌రుగుతున్నాయ‌ని...మార్చిలో ఈ సినిమా పై పూర్తి స్ప‌ష్ట‌త వ‌స్తుంద‌ని చెప్పారు.
అయితే ఇదిలా ఉండగా చ‌ర‌ణ్ బ‌ర్త్ డే మార్చి 27న చిరంజీవి 150వ సినిమా ప్రారంభిస్తార‌ని ఫిలిం నగర్ సమాచారం...
మ‌రి... చాలా గ్యాప్ త‌రువాత ప్రేక్ష‌కుల ముందుకు వ‌చ్చేందుకు రెడీ అవుతున్న చిరు 150వ సినిమాతో ఎలాంటి సెన్సేష‌న్ క్రియేట్ చేస్తారో చూడాలి.