சமீபத்தில் பழம்பெரும் பாலிவுட் நடிகை ஷபானா ஆஷ்மி அவர்கள் கார் விபத்தில் சிக்கி படுகாயம் அடைந்து மருத்துவமனையில் சிகிச்சை பெற்று வருகிறார் என்பது தெரிந்ததே. ஷபனா ஆஷ்மி விபத்தில் சிக்கியது குறித்து கேள்விப்பட்ட பிரதமர் மோடி தனது டுவிட்டரில் அவர் விரைவில் குணமாக வேண்டுமென்று வேண்டிக் கொள்வதாக ஒரு ட்வீட்டை பதிவு செய்திருந்தார்.

இந்த டுவிட்டை அப்படியே காப்பி பேஸ்ட் செய்து பிரபல நடிகை ஊர்வசி ரௌடேலா என்பவர் தனது டுவிட்டர் பக்கத்தில் பதிவு செய்துள்ளார். இவர் இந்தி மற்றும் கன்னட படங்களில் நடித்துள்ளார் என்பது குறிப்பிடத்தக்கது.

பிரதமர் மோடியின் டுவீட்டை அப்படியே காப்பி பேஸ்ட் செய்த நடிகை ஊர்வசி ரௌடேலாவை நெட்டிசன்கள் கேலியும் கிண்டலும் செய்து வருகின்றனர். மேலும் காப்பி பேஸ்ட் செய்வதற்கு பதில் பிரதமரின் டுவிட்டை ரீடுவீட் செய்திருக்கலாமே? என்றும் நெட்டிசன்கள் நடிகையிடம் கேள்வி எழுப்பி வருகின்றனர்.

இந்த நிலையில் ஷபனா ஆஷ்மி குணமடைய வேண்டும் என்ற நடிகையின் நல்ல எண்ணத்தை புரிந்து கொள்ளாமல் அவரை கேலி செய்வதாக ஒருசிலர் நடிகை ஊர்வசி ரௌடேலாவுக்கும் ஆதரவாகவும் கருத்து தெரிவித்து வருகின்றனர்.
 

The news of @AzmiShabana Ji’s injury in an accident is distressing. I pray for her quick recovery.

— Narendra Modi (@narendramodi) January 18, 2020

The news of @AzmiShabana Ji’s injury in an accident is distressing. I pray for her quick recovery.

— URVASHI RAUTELA???? (@UrvashiRautela) January 18, 2020