தனுஷ், வெற்றிமாறன் இயக்கத்தில், சந்தோஷ் நாராயணன் இசையில் உருவான ’வடசென்னை’ திரைப்படம், 2018 ஆம் ஆண்டு வெளியானது. இந்த படத்தின் இரண்டாம் பாகம் விரைவில் உருவாகும் என்று ரசிகர்கள் எதிர்பார்த்து காத்திருந்தனர்.

ஆனால், தனுஷ் மற்றும் வெற்றிமாறன் தொடர்ந்து பல படங்களில் பிசியாக இருந்ததால், ’வடசென்னை 2’ குறித்த செய்திகள் வெளிவராமல் இருந்தன. இந்த நிலையில், தற்போது தனுஷ் மற்றும் வெற்றிமாறன் இல்லாமல் ’வடசென்னை 2’ திரைப்படம் உருவாக இருப்பதாக தகவல் வெளியாகியுள்ளது.

வெற்றிமாறனின் உதவியாளர் இப்படத்தை இயக்க, தனுஷ் நடித்த கதாபாத்திரத்தில் மணிகண்டன் நடிக்க இருப்பதாக கூறப்படுகிறது. தனுஷ் நடித்த ’வடசென்னை’ திரைப்படத்தின் இரண்டாம் பாகத்தில் மணிகண்டன் நடிக்க இருப்பது ஆச்சரியமாக இருந்தாலும், படம் வெளிவந்த பிறகு தான் இது எந்த அளவுக்கு வரவேற்பு பெறும் என்பதை பார்க்க முடியும்.

இந்த நிலையில், வெற்றிமாறன் இயக்கத்தில், சூர்யா நடிப்பில் உருவாக இருக்கும் ’வாடிவாசல்’ திரைப்படத்தின் படப்பிடிப்பு மே அல்லது ஜூன் மாதம் தொடங்கும் என்று எதிர்பார்க்கப்படுகிறது. ஏற்கனவே, இந்த படத்திற்கான பாடல் கம்போசிங் பணியை ஜிவி பிரகாஷ் தொடங்கி விட்டதாக சமீபத்தில் செய்தி வெளியானது என்பது குறிப்பிடத்தக்கது.