தமிழ் திரை உலகின் பிரபல ஹீரோ நடிக்க இருக்கும் அடுத்த திரைப்படத்தில், ஒரு முக்கியக் கதாபாத்திரத்தில் நடிகர் வடிவேலு இணைந்துள்ளதாக அறிவிக்கப்பட்டு, புதிய போஸ்டரும் வெளியாகி உள்ள நிலையில், அந்த போஸ்டர் தற்போது இணையத்தில் வைரல் ஆகி வருகிறது.

நடிகர் கார்த்தி நடிக்க உள்ள 29வது திரைப்படத்தை, நடிகரும் இயக்குனருமான தமிழ் இயக்க இருப்பதாக சமீபத்தில் அறிவிக்கப்பட்டது. ’டாணாக்காரன்’ என்ற படத்தை இயக்கிய தமிழ், அடுத்ததாக கார்த்தி படத்தை இயக்க இருக்கும் நிலையில், இந்த படத்தின் ஆரம்ப கட்ட பணிகள் நடைபெற்று வருகிறது என்பதும், சமீபத்தில் இந்த படத்தின் அறிவிப்பு போஸ்டர் வெளியாகி வைரல் ஆனது என்பதையும் பார்த்தோம்.

இந்நிலையில், கார்த்தியின் 29வது படத்தில் வடிவேலு நடிக்க இருப்பது உறுதி செய்யப்பட்டுள்ளது. இது குறித்த புதிய போஸ்டர் வெளியாகி உள்ள நிலையில், அந்த போஸ்டரில் கார்த்தி மற்றும் வடிவேலு இருப்பதை பார்க்கும்போது, இருவருக்கும் சம அளவு முக்கியத்துவம் உள்ள கதாபாத்திரங்கள் இருக்கும் என்று தெரிகிறது.

மேலும், இந்த போஸ்டரில் ஒரு கப்பல் இருப்பதை பார்க்கும்போது, இந்த படத்தின் பெரும்பாலான காட்சிகள் கப்பலில் படமாக்கப்படும் என்றும் எதிர்பார்க்கப்படுகிறது. ட்ரீம் வாரியர் பிக்சர்ஸ் நிறுவனத்தின் தயாரிப்பில் உருவாக இருக்கும் இந்த படம், இவ்வருட இறுதியில் வெளியாகும் என்று எதிர்பார்க்கப்படுகிறது.

முதல் முறையாக கார்த்தி படத்தில் வடிவேலு இணைந்துள்ள இந்த படம், நல்ல எதிர்பார்ப்பு ஏற்படுத்தி உள்ளது என்பது குறிப்பிடத்தக்கது.