விஜய்சேதுபதி பட வில்லனாக அறிமுகமாகும் தமிழ் நடிகரின் தம்பி
- IndiaGlitz, [Tuesday,November 20 2018]
விஜய்சேதுபதி நடித்த 'சீதக்காதி' திரைப்படம் வரும் டிசம்பர் 20ஆம் தேதி வெளியாகவுள்ள நிலையில் இந்த படத்தில் நடித்த நட்சத்திரங்களின் கேரக்டர்கள் ஒவ்வொரு நாளும் அறிமுகம் செய்யப்பட்டு வருகிறது.
அந்த வகையில் நேற்று இந்த படத்தில் வில்லனாக நடித்துள்ள சுனில் என்ற நடிகர் குறித்த விபரம் வெளிவந்தது. இவர் 'சரோஜா', 'கோவா', 'கப்பல்', 'அரண்மனை 2' உள்பட பல திரைப்படங்களில் நடித்த நடிகர் வைபவ் அவர்களின் சகோதரர் ஆவார்.
இந்த படத்தின் வில்லன் கேரக்டர்களுக்கு முதலில் தயாரிப்பாளர் சி.வி.குமார், பாடகர் மனோ ஆகியோர்களிடம் பேசியதாகவும், ஆனால் ஒருசில காரணங்களால் அவர்களால் நடிக்க முடியவில்லை என்றும், ஒரு பிறந்த நாள் பார்ட்டியில் சுனிலை பார்த்ததும், அவர் இந்த கேரக்டருக்கு பொருத்தமாக இருப்பார் என தோன்றியதால் அவரை நடிக்க வைக்க முடிவு செய்ததாகவும் இயக்குனர் பாலாஜி தரணிதரன் கூறியுள்ளார்.