close
Choose your channels

இன்று வெளியாகும் 'வலிமை' சிங்கிள் பாடல் குறித்த முக்கிய தகவல்!

Wednesday, December 1, 2021 • தமிழ் Comments

தல அஜித் நடித்து முடித்துள்ள ’வலிமை’ திரைப்படத்தில் சிங்கிள் பாடல் மற்றும் டீசர் ஏற்கனவே வெளியாகி மிகப்பெரிய வரவேற்பை பெற்றது என்பது தெரிந்ததே. இந்த நிலையில் இன்று இரவு 7 மணிக்கு ’வலிமை’ திரைப்படத்தின் 2வது சிங்கிள் பாடல் ரிலீஸ் குறித்த தகவல் வெளிவரும் என்றும் இந்த பாடல் இன்று நள்ளிரவு 12 மணிக்கு அல்லது நாளை வெளிவர வாய்ப்பு இருப்பதாகவும் கூறப்படுகிறது.

இந்த நிலையில் இந்த பாடல் குறித்த தகவல் தற்போது தெரியவந்துள்ளது. யுவன்சங்கர்ராஜா கம்போஸ் செய்த இந்த பாடல் ஒரு அம்மா சென்டிமென்ட் பாடல் என்றும் இந்த பாடலை கவிஞர் தாமரை எழுதி உள்ளதாகவும் சித்ஸ்ரீராம் பாடி உள்ளதாகவும் தெரிகிறது. மேலும் இந்த பாடல் இதுவரை வெளிவந்த அம்மா சென்டிமென்ட் பாடல்களில் இருந்து முற்றிலும் வித்தியாசமாக இருக்கும் என்றும் அனைத்து தரப்பு மக்களையும் கவரும் வகையில் இருக்கும் என்று கூறப்பட்டு வருகிறது.

இந்த படத்தில் அஜீத் அம்மாவாக பழம்பெரும் நடிகை சுமித்ரா நடித்திருக்கிறார் என்று ஏற்கனவே செய்திகள் வெளியானது என்பது தெரிந்தது. தமிழ் திரை உலகில் இதுவரை வந்த அம்மா சென்டிமென்ட் பாடல்கள் அனைத்துமே கிட்டத்தட்ட ஹிட் ஆகியுள்ள நிலையில் இந்த பாடலும் சூப்பர் ஹிட் ஆகுமா என்பதை பொறுத்திருந்து பார்ப்போம்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz