தல அஜித் நடிப்பில் இயக்குனர் ஹெச்.வினோத் இயக்கத்தில் போனி கபூர் தயாரிப்பில் உருவாகி வரும் திரைப்படம் ’வலிமை’. இந்த படத்தின் படப்பிடிப்பு விறுவிறுப்பாக நடைபெற்றுக் கொண்டிருந்த நிலையில் திடீரென கொரோனா வைரஸ் காரணமாக பிறப்பிக்கப்பட்ட ஊரடங்கால் படப்பிடிப்பு நிறுத்தப்பட்டது. இந்த நிலையில் தற்போது மத்திய மாநில அரசுகள் மீண்டும் படப்பிடிப்பு நடத்த அனுமதி அளித்துள்ளதை அடுத்து விரைவில் இந்த படத்தின் அடுத்தகட்ட படப்பிடிப்பு தொடங்கும் என்று எதிர்பார்க்கப்படுகிறது

இந்த நிலையில் ’வலிமை’ படத்தில் வில்லனாக நடிக்க ஒப்பந்தமாகி உள்ள பிரபல தெலுங்கு நடிகர் கார்த்திகேயா சமீபத்தில் தனது பிறந்த நாளை கொண்டாடினார். அவருக்கு அஜித் ரசிகர்கள் பிறந்தநாள் வாழ்த்துக்களை தெரிவித்து திக்குமுக்காட வைத்தனர் என்பது குறிப்பிடத்தக்கது

இந்த நிலையில் இது குறித்து தனது டுவிட்டர் பக்கத்தில் நடிகர் கார்த்திகேயா பதிவு செய்தபோது, ‘தல அஜித்தின் ரசிகர்கள் காட்டிய பேரன்புக்கு தனது நன்றி என்றும் நான் அவர்களை நினைத்து பெருமைப்படுவதாக கூறியுள்ளார். இதற்கு கைமாறாக அவர்களுக்காக கடுமையாக வலிமை படத்தில் நன்றாக நடிப்பேன் என்று கூறியுள்ளார்

மேலும் ’கொஞ்சம் பொறுமையாக இருங்கள், நீங்கள் எதிர்பார்த்ததை விட சிறப்பான ஒரு அப்டேட் வரப் போகுது, என்ன நான் சொல்றது’ என்று அவர் தனது டுவிட்டரில் குறிப்பிட்டுள்ளார். இந்த டுவிட்டை அஜித் ரசிகர்கள் தற்போது வைரலாக்கி வருகின்றனர்.

மேலும் ’வலிமை’ படத்தில் கார்த்திகேயா வில்லனாக நடிப்பது இதுவரை அதிகாரபூர்வமாக அறிவிக்கப்படாமல் இருந்த நிலையில் இந்த ட்விட்டை அடுத்து அவர் ’வலிமை’ படத்தில் வில்லனாக நடிப்பது உறுதி செய்யப்பட்டுள்ளது என்பது குறிப்பிடத்தக்கது

Special thanks to all #ThalaAjith sir fans for showering so much love on my birthday.I promise to work hard and make us all proud ..
Konjam porumaiya irunga.
Neenga edhir parthadha vida sirapaana oru update vara pogudhu#Valimai #WaitingForThalaDharisanam
Enna Naa Solradhu?? pic.twitter.com/g5pOcbjnIt

— Kartikeya Gummakonda (@ActorKartikeya) September 21, 2020