இப்படி ஒரு கேவலமான கேள்வியை கேட்காதீர்கள்: பிறந்தநாள் பிரஸ்மீட்டில் வரலட்சுமி!
- IndiaGlitz, [Friday,March 05 2021]
நடிகை வரலட்சுமி இன்று தனது பிறந்தநாளை கொண்டாடி வரும் நிலையில் அவருக்கு திரையுலகினர்களும் ரசிகர்களும் வாழ்த்துக்களை தெரிவித்து வருகின்றனர். இந்த நிலையில் நடிகை வரலட்சுமி இன்று தனது பிறந்தநாளை அடுத்து சென்னை எழும்பூரில் உள்ள குழந்தைகள் நல மருத்துவமனையில் உள்ள குழந்தைகளுக்கு பொம்மைகள் வழங்கி பிறந்த நாளை கொண்டாடினார்.
பின்னர் செய்தியாளர்களை சந்தித்த அவர் ’குழந்தைகளுடன் பிறந்தநாளை கொண்டாடியது மகிழ்ச்சி அளித்தது என்று கூறினார். மேலும் தனது திருமணம் குறித்து கேள்வி கேட்ட ஒரு செய்தியாளர்களிடம் அவர் பதில் கூறிய போது ’திருமண எப்போது என்ற கேவலமான கேள்வியை யாரிடம் கேட்க வேண்டாம்’ என்று கூறினார்.
திருமணம் என்பது பெண்களுக்கு அவசியமா? என்றும் அது ஒரு கொள்கையா? என்றும் ஒரு பெண் என்றால் திருமணம் செய்ய வேண்டும் என்பது ஒரு கொள்கையா? என்றும் பிறகு ஏன் என்னிடம் அப்படி ஒரு கேள்வியை கேட்கிறீர்கள் என்று எதிர்கேள்விகளை கேட்டார். ஆண்களுக்கு கொள்கை இருக்கும் போது பெண்களுக்கு மட்டும் கொள்கை இருக்கக்கூடாதா? என்றும், கல்யாணம் எப்போது என்ற கேவலமான கேள்வியை மட்டும் யாரிடமும் கேட்காதீர்கள்’ என்று வரலட்சுமி கூறியது பெரும் பரபரப்பை ஏற்படுத்தியுள்ளது.