தில் ராஜூ பாணியில் பேசிய வெங்கட்பிரபு.. 'கஸ்டடி' புரமோஷன் விழாவில் கலகல..!
- IndiaGlitz, [Monday,May 08 2023]
விஜய் நடித்த ’வாரிசு’ திரைப்படத்தின் தயாரிப்பாளர் தில் ராஜூ, அந்த படத்தின் புரமோஷன் விழாவில் பேசியது போலவே ’கஸ்டடி’ படத்தின் புரமோஷன் விழாவில் வெங்கட் பிரபு பேசியது மேடையை கலகலக்க வைத்தது.
வெங்கட் பிரபு இயக்கத்தில் நாக சைதன்யா நடிப்பில் உருவாகியுள்ள ’கஸ்டடி’ திரைப்படம் வரும் வெள்ளி அன்று வெளியாக இருக்கும் நிலையில் இந்த படத்தின் இறுதி கட்டப் புரமோஷன் பணிகள் விறுவிறுப்பாக நடைபெற்று வருகிறது.
இந்த நிலையில் ஐதராபாத்தில் ’கஸ்டடி’ படத்தின் புரமோஷன் விழாவில் வெங்கட் பிரபு பேசியபோது ’இந்த படத்தில் ஸ்டைல் வேணுமா ஸ்டைல் உந்தி, ஆக்சன் வேணுமா ஆக்சன் உந்தி, பெர்பார்மன்ஸ் வேணுமா பெர்மான்ஸ் உந்தி, ஃபேமிலி சென்டிமென்ட் வேணுமா ஃபேமிலி சென்டிமென்ட் உந்தி ,என்ன வேணும் எல்லாம் உந்தி, இந்த படத்துல மாஸ் வேணுமா மாஸ் உந்தி என்று தமிழ் தெலுங்கு ஆகிய மொழிகளை கலந்து பேசினார்.
முன்னதாக ‘வாரிசு’ படத்தின் புரமோஷன் விழாவில் தில் ராஜு பேசியபோது ’டான்ஸ் வேணுமா டான்ஸ் இருக்கு, ஃபைட் வேணுமா பைட் இருக்கு’ என்று பேசிய நிலையில் அதே பாணியில் நேற்று வெங்கட் பிரபு பேசியது மேடையில் இருந்த அனைவரையும் கலகலக்க வைத்தது. குறிப்பாக நாக சைதன்யா, வெங்கட் பிரபுவின் பேச்சைக் கேட்டு குலுங்கி குலுங்கி சிரித்தார் என்பது குறிப்பிடத்தக்கது.
நாக சைதன்யா காவல்துறை அதிகாரியாக நடித்துள்ள இந்த படத்தில் கீர்த்தி ஷெட்டி நாயகியாக நடித்துள்ளார். மேலும் இந்த படத்தில் அரவிந்த்சாமி, ராதிகா, சரத்குமார், சம்பத்ராஜ், பிரேம்ஜி, பிரியாமணி, வெண்ணிலா கிஷோர் உட்பட பலர் நடித்துள்ளனர். இசைஞானி இளையராஜா மற்றும் யுவன் சங்கர் ராஜா இருவரும் இசையமைத்துள்ள ல் இந்த படம் வரும் மே 12ஆம் தேதி தமிழ், தெலுங்கு மொழிகளில் வெளியாகிறது. இந்த படத்தை ஸ்ரீநிவாசா சில்வர் ஸ்கிரீன் நிறுவனம் தயாரித்துள்ளது.