'மன்மதலீலை' ரிலீஸ் எப்போது: வெங்கட்பிரபு டுவிட்!
- IndiaGlitz, [Friday,April 01 2022]
சிம்பு நடித்த ‘மாநாடு’ என்ற சூப்பர்ஹிட் படத்தை இயக்கிய இயக்குனர் வெங்கட் பிரபுவின் அடுத்த படம் 'மன்மதலீலை’ இன்று வெளியாக இருப்பதாக அறிவிக்கப்பட்டிருந்தது. ஆனால் ஒரு சில பிரச்சனைகள் காரணமாக இன்று காலை காட்சி வெளியாகவில்லை. இதனால் ரசிகர்கள் மிகுந்த ஏமாற்றம் அடைந்ததாக கூறப்பட்டது .
இந்த நிலையில் சற்றுமுன் இயக்குனர் வெங்கட்பிரபு தனது டுவிட்டரில், ’கடவுள் இருக்கிறார். சில தொழில்நுட்ப கோளாறு காரணமாக 'மன்மதலீலை’ வெளியிடுவதில் தாமதம் ஏற்பட்டதற்காக வருத்தம் தெரிவிக்கிறேன். இன்று மதியம் முதல் திரையரங்குகளில் 'மன்மதலீலை’ ரிலீசாகும். அனைவரும் பார்த்து மகிழுங்கள்’ என்று குறிப்பிட்டு உள்ளார். இதனை அடுத்து இன்னும் ஒரு சில நிமிடங்களில் 'மன்மதலீலை’ திரையரங்குகளில் ரிலீஸ் ஆகும் என்பது உறுதி செய்யப்பட்டுள்ளது.
ராக்போர்ட் என்டர்டெயின்மென்ட் நிறுவனம் தயாரிப்பில், பிரேம்ஜி அமரன் இசையில், தமிழழகன் ஒளிப்பதிவில் உருவாகியுள்ள இந்த படத்தில் அசோக்குமார், சம்யுக்தா மேனன், ஸ்மிருதி வெங்கட், பிரேம்ஜி அமரன் உள்பட பலர் நடித்துள்ளனர்.
History repeats!! And we wish the success too!!! KADAVUL IRRUKAAR !! Sorry about the morning shows!! #ManmamadhaLeelai is all yours from this matinee all over the WORLD!! Thank you for the love!! A small fun film made during the lockdown!! Hope u guys have fun! pic.twitter.com/Q3bTZyXo7o
— venkat prabhu (@vp_offl) April 1, 2022