బిగ్ బాస్ హోస్ట్‌గా వెంక‌టేష్‌
- IndiaGlitz, [Wednesday,January 02 2019]
తెలుగు రియాల్టీ షో బిగ్ బాస్ మూడో సీజ‌న్‌కు సిద్ధ‌మ‌వుతోంది. తొలి సీజ‌న్‌లో ఎన్టీఆర్ వ్యాఖ్యాతగా వ్య‌వ‌హ‌రించారు. ఆ సీజ‌న్‌కు మంచి క్రేజ్ వ‌చ్చింది. త‌ర్వాత ఎన్టీఆర్ బిజీగా మారిపోవ‌డంతో బిగ్‌బాస్ సీజ‌న్ 2కు నాని వ్యాఖ్యాతగా వ్య‌వ‌హ‌రించిన సంగ‌తి తెలిసిందే.
ఈ సీజ‌న్‌లో నాని వ్యాఖ్యానంపై ... త‌న ప్ర‌వ‌ర్త‌న‌పై చాలా ర‌కాలైన విమ‌ర్శ‌ల‌ను ఎదుర్కొన్నాడు నాని. మూడో సీజ‌న్‌కు నిర్వాహ‌కులు ప్రీ ప్లానింగ్ చేసుకుంటున్నారు.
ముఖ్యంగా వివాదాల‌కు దూరంగా క్రేజ్‌ను తెచ్చుకునేలా సీజ‌న్ ఉండాల‌నుకుంటున్నార‌ట. అందుకోస‌మ‌ని బిగ్‌బాస్ సీజ‌న్ 3కి వెంక‌టేశ్‌ను హోస్ట్‌గా తీసుకోవాల‌నుకుంటున్నార‌ని సినీ వ‌ర్గాల స‌మాచారం.