close
Choose your channels

குக் வித் கோமாளி சீசன் 3 எப்போது? ரசிகர்களுக்கு இனிப்பான செய்தி சொன்ன வெங்கடேஷ் பட்

Friday, July 9, 2021 • தமிழ் Comments

விஜய் டிவியில் சமீபத்தில் முடிவடைந்த குக் வித் கோமாளி சீசன் 2 நிகழ்ச்சி மிகப்பெரிய அளவில் ரசிகர்கள் மத்தியில் வரவேற்பு கிடைத்தது என்பதும் இந்த சீசனில் டைட்டில் வின்னர் கனி, ஷகிலா, அஸ்வின், புகழ், ஷிவாங்கி, பவித்ரா உள்பட பலர் வேற லெவல் பிரபலம் ஆனார்கள் என்பதும் குறிப்பிடத்தக்கது. மேலும் இந்த சீசனில் கலந்துகொண்ட பலருக்கு சினிமாவிலும் வாய்ப்பு கிடைத்துள்ளது என்பதும் குறிப்பாக அஸ்வின் ஹீரோவாக நடிக்கும் படமான ’என்ன சொல்லப்போகிறாய்’ என்ற படத்தின் படப்பிடிப்பு இன்று தொடங்கியது என்பதும் குறிப்பிடத்தக்கது.

இந்த நிலையில் குக் வித் கோமாளி நிகழ்ச்சியின் அடுத்த சீசன் எப்போது என்று ரசிகர்கள் மிக ஆவலுடன் எதிர்பார்த்து காத்திருந்த நேரத்தில் இந்த நிகழ்ச்சியின் நடுவர்களில் ஒருவரான வெங்கடேஷ் பட் இதுகுறித்த இனிப்பான தகவலை தெரிவித்துள்ளார். வரும் அக்டோபர் அல்லது நவம்பர் மாதத்தில் குக் வித் கோமாளி சீசன் 3 தொடங்க வாய்ப்பு இருப்பதாக அவர் தெரிவித்துள்ளதால் ரசிகர்கள் மிகவும் மகிழ்ச்சி அடைந்துள்ளனர்.

மேலும் தனக்கு சினிமாவில் நடிப்பது தனக்கு ஆர்வம் இல்லை என்றும் இருப்பினும் எனக்கேற்ற நல்ல கேரக்டர் கிடைத்தால் சினிமாவில் நடிப்பேன் என்றும் சிம்பு அவர்கள் ஒரு கதை கூறியிருக்கிறார் என்றும் அது குறித்த பேச்சுவார்த்தை நடைபெற்று வருவதாகவும் வெங்கடேஷ் பட் தெரிவித்துள்ளார்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz