'గురు' ముందుగానే వస్తున్నాడా..?
- IndiaGlitz, [Wednesday,March 22 2017]
విక్ట‌రీ వెంక‌టేష్ బాక్సింగ్ కోచ్‌గా, రితిక సింగ్ శిష్యురాలి పాత్ర‌లో రూపొందిన చిత్రం 'గురు'. వై నాట్ స్టూడియోస్ బ్యాన‌ర్‌పై సుధ‌కొంగ‌ర దర్శకత్వంలో ఈ చిత్రాన్ని ఎస్‌.శ‌శికాంత్ నిర్మించారు. రీసెంట్‌గా ఈ సినిమా పాట‌ల‌ను, ట్రైల‌ర్‌ను విడుదల చేశారు. ట్రైల‌ర్‌కు చాలా మంచి స్పంద‌న వ‌చ్చింది. ఈ సినిమాను ఏప్రిల్ 7న విడుదల చేస్తార‌ని అనుకున్నారు.
అయితే లెటెస్ట్ న్యూస్ ప్ర‌కారం సినిమా మార్చి 31నే విడుద‌ల‌య్యే అవ‌కాశాలు క‌న‌ప‌డుతున్నాయి. ఎందుకంటే మ‌ణిర‌త్నం 'చెలియా' కూడా ఏప్రిల్ 7న విడుద‌ల‌వుతుండ‌టంతో రెండు సినిమాల‌కు క్లాష్ ఎందుక‌ని అనుకుంటున్నార‌ట నిర్మాత‌లు. త్వ‌ర‌లోనే అధికార‌క స‌మాచారం రావ‌చ్చు.