మరో రీమేక్ వెంకీ...
- IndiaGlitz, [Monday,May 08 2017]
ఈ ఏడాది గురు చిత్రంతో హిట్ అందుకున్న విక్ట‌రీ వెంక‌టేష్, ఇప్పుడు మరో రీమేక్‌లో న‌టించ‌డానికి సిద్ధ‌మ‌వుతున్నాడ‌ని ఇండ‌స్ట్రీ టాక్‌. మ‌ల‌యాళ హిట్ చిత్రం ప్రేమ‌మ్‌ను తెలుగులో ప్రేమ‌మ్‌గానే రీమేక్ చేసి హిట్ అందుకున్న నిర్మాత ఎస్‌.రాధాకృష్ణ(చిన‌బాబు) ఇప్పుడు ఈసారి బాలీవుడ్ సినిమా 'జాలీ ఎల్ఎల్‌బి2' చిత్ర రీమేక్ హ‌క్కుల‌ను 1.7 కోట్ల రూపాయ‌ల‌కు చేజిక్కించుకున్నాడ‌ట.
అక్ష‌య్‌కుమార్ హీరోగా న‌టించిన ఈ సినిమా బాక్సాఫీస్ వ‌ద్ద 100 కోట్ల‌కు పైగా వ‌సూళ్ళ‌ను సాధించింది. ఈ సినిమా రీమేక్‌లో వెంక‌టేష్ న‌టించ‌నున్నాడని స‌మాచారం. అన్నీ అనుకున్న‌ట్లు కుదిరితే డిసెంబ‌ర్‌లో సినిమా ప్రారంభ‌మ‌వుతుంద‌ట.