அரசியல் களத்தில் இறங்குகிறாரா வெங்கட்பிரபு?
- IndiaGlitz, [Thursday,May 25 2017]
பிரபல இயக்குனர் வெங்கட்பிரபு இயக்கவுள்ள அடுத்த படத்தில் 'இதுதாண்டா போலீஸ்' புகழ் டாக்டர் ராஜசேகர் முக்கிய கேரக்டரில் நடிக்கவுள்ளார் என்று வெளிவந்த செய்தியை நேற்று பார்த்தோம். இந்த நிலையில் வெங்கட்பிரபுவின் அடுத்த படம் குறித்த முக்கிய தகவல் இன்று வெளியாகவுள்ளதாக அறிவிக்கப்பட்டுள்ளது.
வெங்கட்பிரபுவின் பிளாக்டிக்கெட் கம்பெனி தயாரிக்கவுள்ள அடுத்த படம் குறித்த முழு தகவல்கள் இன்று வெளியாகும் என்று அறிவிக்கப்பட்டுள்ளது. வெங்கட்பிரபு தனது சமூக வலைத்தளத்தில் 'நாளை முதல் வேட்பாளர் அறிமுகம்' என்று பதிவு செய்துள்ளார். இந்த பதிவில் இருந்து அவரது அடுத்த படம் அரசியல் படமாக இருக்க வாய்ப்பு இருப்பதாக கருதப்படுகிறது.
ரஜினி உள்பட பல திரையுலக பிரபலங்கள் அரசியல் குறித்து பரபரப்பான கருத்துக்களை தெரிவித்து வரும் நிலையில் வெங்கட்பிரபுவின் அடுத்த படம் அரசியல் படமாக இருந்தால் அந்த படம் தற்கால அரசியல் குறித்த காரசாரமான படமாக இருக்கும் என்று எதிர்பார்க்கப்படுகிறது.