'వెన్నెల్లో హాయ్ హాయ్ ' రిలీజ్ డేట్....
- IndiaGlitz, [Sunday,January 31 2016]
సీనియర్ దర్శకుడు వంశీ దర్శకత్వంలో రూపొందిన చిత్రం వెన్నెల్లో హాయ్ హాయ్'. అజ్మల్, నిఖిత నారాయణ్ జంటగా నటించారు. ఈ చిత్రాన్ని డి.వి.సినీ క్రియేషన్స్ పతాకంపై డి. వెంకటేష్ నిర్మించారు. ఫిభ్రవరి 5న సినిమా విడుదల కానుంది. నిజానికి గతేడాదే సినిమా విడుదల కావాల్సింది. కానీ కొన్ని కారణాలు వల్ల సినిమా రిలీజ్ వాయిదా పడుతూ వచ్చింది. చక్కటి కుటుంబ విలువలతో మేళవింపుతో తెరకెక్కించిన అందమైన ప్రేమకథా చిత్రమిది. వంశీ మార్క్ కామెడీతో ఆద్యంతం ఆకట్టుకుంటుందని నిర్మాత తెలియజేశారు.
ఈ చిత్రానికి కథ: మల్లాది వెంకటకృష్ణమూర్తి, మాటలు: చందు, కెమెరా: యం.వి.రఘు, ఆర్ట్: రవీంద్రనాథ్ ఠాగూర్, కొరియోగ్రఫీ: స్వర్ణ, పాటలు: ప్రవీణ్ లక్మ, సంగీతం: చక్రి, సమర్పణ: నిఖితశ్రీ, నిర్మాత: డి. వెంకటేష్, దర్శకుడు: వంశీ.