close
Choose your channels

நன்றி தங்கமே! விக்னேஷ் சிவனின் பிறந்த நாளில் நயன்தாரா!

Saturday, September 18, 2021 • தமிழ் Comments

பிரபல இயக்குனர் விக்னேஷ் சிவன் இன்று தனது பிறந்தநாளை கொண்டாடி வரும் நிலையில் அவருக்கு நயன்தாரா ஆச்சரியமான பரிசளித்ததை அடுத்து ‘நன்றி தங்கமே’ என தனது இன்ஸ்டாகிராமில் பதிவு செய்துள்ளார்.

லேடி சூப்பர் ஸ்டார் நயன்தாரா மற்றும் இயக்குனர் விக்னேஷ் சிவன் ஆகிய இருவரும் கடந்த சில ஆண்டுகளாக காதலித்து வருகின்றனர். சமீபத்தில் இருவருக்கும் திருமண நிச்சயதார்த்தம் முடிந்து விட்டது என்பதும் விரைவில் திருமணம் நடைபெற இருப்பதாகவும் கூறப்படுகிறது.

இந்த நிலையில் விக்னேஷ் சிவன் இன்று தனது பிறந்தநாளை கொண்டாடி வருவதை அடுத்து அவருக்கு திரையுலகினர், ரசிகர்கள் வாழ்த்துக்களை தெரிவித்து வருகின்றனர். அந்த வகையில் நடிகை நயன்தாரா தனது காதலருக்கு ஆச்சரியப்படும் வகையில் பரிசினை அளித்து ஆச்சரியமளித்துள்ளார்.

இதனை அடுத்து விக்னேஷ் சிவன் தனது இன்ஸ்டாகிராம் பக்கத்தில் ’நன்றி தங்கமே! என் வாழ்க்கையில் நீ என்னுடன் இருப்பதற்கும் உன்னுடைய இந்த சர்ப்ரைஸ் வருகைக்கும் நன்றி’ என்று குறிப்பிட்டுள்ளார். இது குறித்த புகைப்படங்களை அவர் பதிவு செய்துள்ள நிலையில் அந்த புகைப்படங்கள் வைரலாகி வருகிறது என்பது குறிப்பிடத்தக்கது.

சமீபத்தில் நயன்தாராவின் அம்மாவின் பிறந்த நாளுக்கு விக்னேஷ் சிவன் நேரில் சென்று வாழ்த்து தெரிவித்திருந்தார் என்பதும் அது குறித்த புகைப்படங்களை பதிவு செய்திருந்தார் என்பதும் குறிப்பிடத்தக்கது.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz