அஜித் நடித்த 62வது படமான ‘விடாமுயற்சி’ இன்று வெளியாகி இருக்கும் நிலையில், அவரது 62வது படத்தை விக்னேஷ் சிவன் தான் இயக்க இருந்தார். ஆனால் சில காரணங்களால் அவர் இயக்காத நிலையில், இன்று ‘விடாமுயற்சி’ ரிலீஸ் தினத்தன்று விக்னேஷ் சிவன் தனது இன்ஸ்டாகிராம் பக்கத்தில் செய்த பதிவு பரபரப்பை ஏற்படுத்தியுள்ளது.

அஜித் நடிப்பில், விக்னேஷ் சிவன் இயக்கத்தில் அவரது ’ஏகே 62’ என்ற படம் உருவாகும் என அறிவிக்கப்பட்ட நிலையில், பின்னர் சில காரணங்களால் விக்னேஷ் சிவன் அந்த படத்திலிருந்து நீக்கப்பட்டதாக கூறப்பட்டது. இதனை அடுத்து, மகிழ்திருமேனி இயக்கத்தில் ‘விடாமுயற்சி’ திரைப்படம் உருவாகி, இன்று வெளியாகி ரசிகர்களிடம் நல்ல வரவேற்பை பெற்று வருகிறது.

இந்த நிலையில், ‘விடாமுயற்சி’ ரிலீஸ் தினத்தன்று இயக்குநர் விக்னேஷ் சிவன் தனது இன்ஸ்டாகிராம் ஸ்டோரியில், "நல்லது செய்தால் நல்லது நமக்கு திரும்ப கிடைக்கும்" என்றும், "மற்ற விஷயங்கள் எப்படி நடக்கும் என வருந்தாமல் இருந்தால் நமக்கு பல நன்மைகள் கிடைக்கும்" என்றும் ஒரு பதிவு செய்துள்ளார்.

இந்த பதிவு, அஜித்துக்கு மறைமுகமான மெசேஜா? அல்லது தற்செயலான பதிவா? என்ற கேள்வியை நெட்டிசன்கள் எழுப்பி வருகின்றனர்.