விஜய் ஆண்டனியின் 'பிச்சைக்காரன் 2' ரிலீஸ் தேதி தள்ளி போகிறதா?
- IndiaGlitz, [Thursday,March 23 2023]
விஜய் ஆண்டனி நடித்த ’பிச்சைக்காரன் 2’ திரைப்படம் ஏப்ரல் 14ஆம் தேதி ரிலீசாகும் என அதிகாரப்பூர்வமாக அறிவிக்கப்பட்டிருந்த நிலையில் இந்த படத்தின் ரிலீஸ் தேதி தள்ளி வைக்கப்பட வாய்ப்பு இருப்பதாக கூறப்படுகிறது.
விஜய் ஆண்டனி நடித்து, இயக்கி, இசையமைத்து, படத்தொகுப்பும் செய்த திரைப்படம் ’பிச்சைக்காரன் 2’. இந்த படத்தின் முதல் நான்கு நிமிட காட்சிகள் மற்றும் ட்ரெய்லர் வெளியாகி இணையதளங்களில் வைரல் ஆனது என்பதை ஏற்கனவே பார்த்தோம். மேலும் ’பிகிலி’ என்ற கெட்ட வார்த்தையை இந்த படத்திற்காக தான் கண்டுபிடித்துள்ளதாகவும் விஜய் ஆண்டனி தெரிவித்திருந்தார்.
இந்த நிலையில் தமிழ் தெலுங்கு ஆகிய இரண்டு மொழிகளில் ஏப்ரல் 14ஆம் தேதி இந்த திரைப்படம் ரிலீஸ் ஆகும் என்று கூறப்பட்டது. ஆனால் மார்ச் 30ஆம் தேதி வெற்றிமாறனின் ‘விடுதலை’ மற்றும் சிம்புவின் ’பத்து தல’ ஆகிய இரண்டு பெரிய திரைப்படங்கள் வெளியாகவுள்ளன. மேலும் ஏப்ரல் 28ஆம் தேதி ’பொன்னியின் செல்வன் 2’ வெளியாகவுள்ளது.
இந்த படங்களின் இடைப்பட்ட நேரத்தில் ஏப்ரல் 14ஆம் தேதி ’பிச்சைக்காரன் 2’ திரைப்படம் வெளியாக போவதாக அறிவிக்கப்பட்டிருந்தது. இந்த நிலையில் இந்த படம் மே மாதத்திற்கு தள்ளி போகலாம் என்று கூறப்படுகிறது. இது குறித்து அதிகாரபூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.